🔴 *الميزوفونيا* " *Misophonia* "

(واللي معناها " *حساسية الصوت")* هي حالة بتخلي اللي عنده حساسية مفرطة لأصوات عادية زي صوت المضغ، التنفس، أو حتى نقر القلم، الشخص اللي بيعاني منها بيحس بتوتر، غضب، أو رغبة يهرب لما يسمع الأصوات دي.

🔺 *الاعراض*
بتبدأ الحالة عادة في سن صغير (ما بين 8 و13 سنة) وممكن تفضل طول العمر المصاب ممكن يحس بضيق جامد، قلق، أو حتى غضب شديد من أصوات بسيطة، وفي الحالات الشديدة ممكن يتجنب أماكن أو ناس عشان ما يسمعهاش.

🔺 *الأسباب:*
لحد دلوقتي السبب مش معروف بالضبط، لكن العلماء بيقولوا إن المخ ممكن يكون بيبالغ في رد الفعل تجاه الأصوات. فيه كمان احتمالية يكون الموضوع ليه علاقة بالوراثة أو ببعض الاضطرابات النفسية زي الوسواس القهري أو القلق.

🔺 *بنعالج الموضوع دا أو نقدر نتعامل معاه ازاي؟*
بكذا طريقة ممكن *بتجنب الأصوات المزعجة* : زي استخدام سدادات أذن أو تشغيل بودكاست مثلا او اي حاجة على الفون وممكن *بالعلاج السلوكي المعرفي (CBT)* وده بيشتغل على تغيير طريقة تفكيرك واستجابتك للأصوات نفسها. أو *بإعادة تدريب السمع* ودا بيعتمد على تعريض المريض لأصوات هادية ومريحة عشان يقلل من حساسيته للأصوات اللي بتزعجه