مساء الخير يا عزيزي ويا عزيزتى سواء كنتواخصائي او ولي أمر فالكلمتين دول يستاهلوا انك تبص عليهم✨❤

_هنكمل مع بعض سلسلتنا في التربيه الخاصه واضطراب طيف التوحد والجمعه دي هنتكلم عن حاجه مهمه جدا متقلش في اهميتها عن اللي اتكلمنا عنه قبل كده الا وهي اضطراب فرط الحركه وتشتت الانتباه او ال ADHD.

_قبل ما نتكلم عن اي حاجه هنعرف مع بعض اي هو ال ADHD او اضطراب فرط الحركه وتشتت الانتباه.

_هو عدم القدره علي الانتباه الكلي سواء فترات طويله او قصيره، وعدم القدره علي السكون لفترات تتراوح من العدم الي النشاط الحركي الزائد بشكل لافت للنظر.

_بالبلدي كده الطفل مش بيقدر يركز معايا اثناء شغل او اثناء الدرس اللي بياخده وكمان مش بيقدر يقعد ساكت لفترات بدون حركه بيصاحبها نقص دافعيه ملحوظ بشكل كبير.

⬅️طيب اعراضه اي؟؟؟

_عدم القدره علي الانتباه للتفاصيل
_عدم القدره علي البقاء متيقظا اثناء اداء المهام
_صعوبه في تنفيذ التعليمات او تتبعها
_صعوبه في التنظيم الذاتي وتنظيم المساحات
_صعوبه في اداء المهمات والواجبات زي الواجب المدرسي
_سرعه تشتت الطفل
_صعوبه الجلوس بشكل ملفت للنظر
_كثره التنقل من مكان لاخر وعدم القدره علي البقاء في مكان محدد
_الحركه الزائده المتمثله في الركض او التسلق
_لعب عشوائي واندفاعي غير منظم
_عدم الالتزام بالادوار والتسرع في اداء المهام

📢ما يترتب عليه صعوبات في العمليه التعلميه والتأهيله وبشكل دائم بيترتب عليه صعوبه تعلم.

📢⬅️ يبقي اول حاجه وصلنا لها اهو ان اطفال ال ADHD دايما بيكون عندهم مشاكل في العمليه التعليمه واللي بنقول عليها صعوبات ف عمليه التعلم بالاضافه الي مشكلات معرفيه كتير جدا.

_طيب اي سبب الاضطراب ده؟ ❓❗

_زيه زي معظم الاضطرابات زي ما قولنا قبل كده انه ملوش سبب محدد ودي بتنطبق علي معظم الاضطرابات اللي عند اطفالنا لكن بردو في نظريات بتقول ان ده ممكن يكون بسبب عوامل وراثيه وهنقول الاسباب مع بعض دلوقت:

⬅️انه يكون بسبب عوامل وراثيه
⬅️بيكون بسبب تغير في بنيه الدماغ زي ⬅️يكون عندي خلل في نشاط الاماكن المسؤله عن النشاط والانتباه
⬅️تدخين الام الحامل وتناول المخدرات اثناء الحمل كلها عوامل قد تساعد علي اصابه او تعرض الطفل لاضطراب ال ADHD.
⬅️بالاضافه للعوامل البيئه اللي بتتمثل ف:
_تعرض الجنين للمواد السامه.
_التعرض للاشعه اثناء الحمل
_التاريخ العائلي يكون فيه حد مصاب باحد الاضطرابات النفسيه او السلوكيه.

_⬅️طيب ازاي اعرف ان الطفل عنده اضطراب فرط الحركه وتشتت الانتباه؟!

_هو انا ابني بيتحرك كتير ومش مركز معايا في البيت.
_والله انا عندي طالب بيتحرك كتير اوي في المدرسه وسلوكه مش ولابد وعاملي مشاكل كتير.
_الواد اخويا الصغير دايما بيجري ومش بيقعد ابدا ودايما عامل دوشه في البيت ف ده غالبا عنده فرط حركه اي العمل دلوقت؟!

⬅️ بص ي عزيزي الحركه الزياده والنسيان عند الاطفال ممكن يكون امر طبيعي جدا بتفرضه عليا طبيعه فتره النمو اللي بيمر بيها دي وده بسبب ان الدافعيه والحماس عند الطفل بيكون اعلي حاجه عنده دلوقت ف الحركه الكتير دي مش دليل كافي ان ابنك او اخوك او تلميذك عنده فرط حركه، لا ي عزيزي انا عندي مقياس بشخص بيه هل الطفل ده عنده الاضطراب او لا لازم يتطبق علي الطفل بشكل دقيق عشان اقدر احكم هل هو فعلا طفل مصاب باضطراب ال ADHD ولا دي مجرد مشكله سلوكيه او حماس واندفاع الطفوله وعندي شروط لازم تنطبق علي الطفل قبل ما اشخص كمان، اي بقا الشروط دي؟! ❗❓

⬅️الاعراض دي تظهر علي الطفل قبل سن ال 12سنه.
⬅️الاعراض دي تظهر علي الطفل في البيت والمدرسه، يعني مش البيت بس، ولا المدرسه بس
⬅️الاعراض دي بتؤثر علي الطفل في الجوانب المعرفيه والاكاديميه
⬅️الاعراض دي تستمر في الظهور لمده 6 شهور فأكثر
⬅️ لو علاقته مع الاطفال اللي في سنه وعلاقته مع البالغين اللي هما الكبار بتتسم بالشذوذ وانها غير سويه.
_ دي كلها شروط لازم اراعيها ولازم تنطبق علي الحاله قبل ما اروح اطبق مقياس الاضطراب او المعايير اللي نص عليها الدليل التشخيصي والاحصائي ال DSM 5.

⬅️العلاج

_طيب انا طبقت الشروط وانطبقت وطبقت معايير التشخيص ولقيت فعلا ان الطفب عنده اضطراب فرط الحركه وتشتت الانتباه، اعمل اي؟! بص ي سيدي👀

⬅️اشكال العلاج بالنسبه لل ADHD مش قليله لا بالعكس كتيره جدا وده بيساعدني اني اتعامل مع الطفل بشكل سليم واشكال متعدده ومنها:

⬅️العلاج الدوائي: زي ما قولنا قبل كده انا ك اخصائي تربيه خاصه مليش دعوه او بمعني اصح مقولش خد كذا او متاخدش كذا وخد كميه اد اي ولا الكلام ده، بس عشان يبقي عندي خلفيه لازم اعرف ان فيه علاجات منشطه للذاكره وي Omeg 3 وال Ritalin وادويه بتقلل النشاط الحركي بردو.

⬅️العلاج الغذائي: بيتلخص في اني ابتعد عن بعض الاغذيه واقدم بعض الاغذيه.
⬅️اغذيه ابتعد عنها زي:
_السكريات
_المواد المثيره للحساسيات للاطفال اللي عندهم مشكلات حسيه
_القمح والحليب والبيض لاننا قولنا قبل كده المعده مش بتقدر تتعامل معاهم ف بيتحولوا الي بيبتايد يؤثر سلبا علي الطفل
⬅️اغذيه اتناولها زي:
_الاحماض الدهنيه الاساسيه زي اوميجا 3 المجود في السمك والمواد البحريه.

⬅️العلاج النفسي:
_وهنا بيركز دور العلاج بشكل اساسي علي الاسره اكثر من الطفل واني اقدم كل سبل الدعم النفسي للاسره واساعدها في انها تشارك في عمليه العلاج وان يكون ليها دور اساسي لا يمكن الاستغناء عنه.

⬅️العلاج السلوكي🫡

_ هنا ييجي دورك ك اخصائي وده بيحدد مين شاطر ومين لا في انه يوصل بالطفل لمرحله متقدمه وناجحه في العمليه التأهيليه او العلاجيه.
_اشكال العلاج السلوكي كتيره جدا لكن هتكلم فيها بشكل مختصر عشان عارف اني طولت عليك بس الموضوع شيق ومهم جدا حقيقي.

⬅️اول حاجه اني افرغ الطاقه والنشاط اللي عند الطفل ده في حاجه مفيده، زي اني استغل الحركه الزياده والمستمره في لعبه رياضيه زي الكاراتيه او كره القدم
⬅️ تاني حاجه اني اقلل استخدام الوسائل التكنولوجيه علي قد ما اقدر لما لها من تأثير سلبي علي الطفل.
⬅️ استخدم مع الطفل انشطه كتير علي قد ما اقدر تنمي الذاكره وتنشط الانتباه زي:
_الفك والتركيب
_انشطه حل المشكلات
_انشطه المطابقه
ابتكر انشطه علي قد ما تقدر عشان تقدر تساعد طفلك.
⬅️ اخر حاجه وهو اني استخدم الفنيات السلوكيه المناسبه اللي تخليني اقدر اتعامل مع الطفل واحل المشكله اللي عنده، وخصوصا اني استخدم التعزيز وبالتحديد التعزيز الفارق باشكاله المختلفه زي:
⬅️- تعزيز التمييزي للسلوكيات الاخري. DRO
نفترض المشكله عندي الجري الكتير، انا هنا هقدم التعزيز لاي سلوك غير الجري.
⬅️تعزيز السلوك البديل . DRA
لو الطفل بيجري هنا مش هعززه انما هعززه لو مجريش.
⬅️ تعزيز السلوك المعاكس. DRi
بدي للطفل حاجه عكس السلوك بتاعه ده، يعني لو بيجري كتير اديله حاجه تعيق الحركه بتاعته دي.

_كمان عندي فنيه التعاقد السلوكي اللي اقدر استخدمها مع الطفل في حل مشاكله وهو اني هتفق مع الطفل انه هياخد حاجه (بيحبها) مقابل انه يعمل السلوك اللي انا عايزه.
_انت لو قعدت هادي شوي انا هديك كذا(كذا دي يكون معزز ليه وحاجه بيحبها).

_طولت عليك انا عارف بس الADHD حاجه مهمه لما لها من عوائق ومشكلات كتير بتعيق الاطفال خصوصا في العمليه التعليميه، اتمني في الاخر انك تكون استفدت واني اكون قدرت اقدملك حاجه تفيدك ♥