كيف تربي أولادك بالحب؟ أهمية الاحتواء والحضن في نشأتهم السعيدة

⚫اولادكم محتاجين حضنكم قبل نصايحكم، ومحتاجين حبكم قبل اوامركم..

⚫الولد اللي بتمنع عنه مشاعرك علشان "يبقى راجل" ويكون قوي، هو نفسه اللي هيكبر ضعيف من جواه، مهزوز، مش واثق ف نفسه، بيدور على الحب والاحتواء ف كل مكان ومش لاقيه، لأنه محروم من ابسط حقوقه العاطفيه.. القوه الحقيقيه مش ف الحرمان، القوه ف انك تطمنه انه محبوب زي ما هو، وانه مش محتاج يثبت رجولته بالقسوة او الكبت.

⚫والبنت اللي كل اللي بتسمعه منك هو عيوبها، وكل ما تعمل حاجة كويسه محدش يشوفها، هتكبر وهي حاسه إنها "مش كفايه".. حتى لو كانت اجمل بنت واذكاهم، هتشوف نفسها ناقصه، مش مصدقه اى حد يقولها كلمه حلوه، وهتاخد أقل من حقها ف كل حاجه ف حياتها، لأنها اتعودت ان مفيش حد شايفها ولا مقدرها.

⚫والحضن اللى مش بيشبعوا منه وهما صغيرين.. هيفضلوا طول عمرهم حاسين بجوع عاطفي، عندهم فراغ كبير جواهم، مستعدين يعملوا اي حاجه علشان يملوه.
⚫حبوا ولادكم، احضنوهم، قولولهم كلام حلو، حسسوهم انهم غاليين عليكم.. دي مش رفاهيه، دي اهم حاجه ممكن تقدموها ليهم علشان يبقوا اقوياء وسعداء بجد.♥️

⚫#ربوا_بالحب
⚫#احتوهم_قبل_ما_يدوروا_على_الاحتواء_ف_مكان_غلط
⚫#رضوي_علاء