هو سامعني؟
السؤال ده مش دايمًا بيكون معناه إن الطفل مش بيسمع… أوقات كتير بيبقى بيسمع كويس جدًا، بس دماغه مش بتفسر الأصوات زي ما إحنا بنفهمها. وده بالظبط اللي بيحصل مع أطفال التوحد.

في عالم مليان أصوات وكلام، ممكن الطفل يبقى عايش في عزلة، مش لأنه مش قادر يسمع، لكن لأنه مش فاهم اللي بيتقال أو مش قادر يركز معاه. وهنا بييجي دور التأهيل السمعي.

التأهيل السمعي مش مجرد تدريب على السمع، دي رحلة حقيقية بنساعد فيها الطفل إنه يتعرف على الأصوات من حواليه، ويفهمها، ويتفاعل معاها. بنقربله العالم، خطوة بخطوة، لحد ما صوته يبدأ يتسمع... وكمان هو يسمعنا.