🌱 نوبة الغضب عند الأطفال (Tantrum)

س: يعني إيه نوبة غضب؟
ج: هي انفجار في المشاعر بيظهر في صورة صريخ، بكاء، رمي حاجات، أو ضرب… وده بيحصل لما الطفل مايعرفش يعبّر عن اللي جواه.

س: إمتى بتظهر أكتر؟
ج:
* من سن سنة ونص لـ 5 سنين.
* لما يكون جعان أو تعبان.
* لما يتحط تحت ضغط أو يتقاله “لأ” كتير.

س: هل نوبة الغضب سلوك وحش؟
ج: لأ ❌ ده سلوك طبيعي في مراحل النمو، المشكلة مش في الغضب… المشكلة في طريقة التعامل معاه.

س: أتعامل إزاي وقت النوبة؟
ج:
* هدوء الأهل مهم جدًا.
* متزعقيش ولا تضربي.
* ابعدي الطفل عن أي حاجة تأذيه.
* بعد ما يهدى، اتكلمي معاه بهدوء.

س: إمتى نقلق؟
ج:
* لو النوبات عنيفة جدًا.
* بتكمل بعد سن 5 سنين.
* فيها إيذاء للنفس أو للغير.
ساعتها بنحتاج تدخل أخصائي.

✨ الأخصائية / هاجر علاء 💗