انا دايمًا بقول لبنتى متمضغش الاكل بصوت عالى او تضحك في نص الشارع من غير سبب ولا صوتها يطلع
دايمًا بقولها تكون هادية ومؤدبة وتسمع الكلام لازم تقعد كويس وتمشي كويس كلامها وأفعالها يكونو بحساب
: حلو جدًا زى الفل طيب وابنك
لا ابني براحته هو ولد محدش هيلوم عليه
: بجد !!!!
السلوك الصحيح والخاطئ واحد للبنت أو للولد مفيش أخلاق بتمشي علي البنت مبتمشيش على الولد
لو رجعنا لأساس الأخلاق و السلوك
هنلاقي إن في مرجع في كتب سماوية حددت السلوكيات حددت الحلال والحرام
ف مثلا في القرأن مكنش في سلوك للبنت وتاني للولد في الأحاديث بردو مفيش لأن الأخلاق عامة مينفعش نخصصها
ف وأنا بقول لبنتي يكون صوتها هادي وواطي ومشيتها كويسة وقعدتها كويسة وبهمل إني أعلم إبني أبسط السلوكيات
أفتكر سيدنا لقمان وهو بيقول لأبنه "وَلَا تُصَعِّرۡ خَدَّكَ لِلنَّاسِ وَلَا تَمۡشِ فِي ٱلۡأَرۡضِ مَرَحًاۖ إِنَّ ٱللَّهَ لَا يُحِبُّ كُلَّ مُخۡتَالٖ فَخُورٖ (١٨) وَاقْصِدْ فِي مَشْيِكَ وَاغْضُضْ مِن صَوْتِكَ ۚ إِنَّ أَنكَرَ الْأَصْوَاتِ لَصَوْتُ الْحَمِيرِ(١٩)
الأخلاق لا تجزأ ولا تُختص