📌✨ ليه ابني عنده لَدغة في الكلام؟ وإيه دور الأخصائي؟

كتير من الأهالي بيلاحظوا إن طفلهم بينطق بعض الحروف غلط: يقول "سما" بدل "ثما"، أو "رجل" تبقى "يَجل"، أو "كورة" تبقى "تورة". هنا بيظهر سؤال مهم:
هل دي حاجة طبيعية وهتتعدل مع الوقت؟ ولا محتاجة تدخل أخصائي تخاطب؟ 🤔


---

🔹 إيه هي اللّدغة؟

اللّدغة هي اضطراب في النطق (Articulation)، يعني الطفل بيواجه صعوبة في إخراج صوت معين بشكل صحيح.
ممكن يظهر في صورة:
1️⃣ حذف: زي ما يقول "طة" بدل "قطة".
2️⃣ إبدال: يقول "تورة" بدل "كورة".
3️⃣ تشويه: يطلع الصوت قريب من الأصلي لكن مش واضح.
4️⃣ إضافة: يدخل صوت زيادة على الكلمة.


---

🧠 أسباب اللّدغة:

عضوية: زي مشاكل في الأسنان، سقف الحلق المشقوق، أو ضعف في عضلات اللسان والشفتين.

سمعية: لو الطفل عنده ضعف سمع بيأثر على تمييز الأصوات.

وظيفية: أحيانًا مفيش سبب عضوي، لكن الطفل متعود ينطق غلط أو ما تدربش كويس على مخارج الحروف.

بيئية: تقليد طريقة نطق غلط من شخص قريب (أخ – أم – أب).



---

📊 متى تعتبر طبيعية ومتى تكون مشكلة؟

الأطفال بيكتسبوا الأصوات تدريجيًا مع النمو:

أصوات سهلة زي (ب – م – ن – ت) بتظهر بدري.

أصوات أصعب زي (ر – س – ص – ض – ق) بتحتاج سن أكبر.


لو الطفل كمل بعد 5 سنوات ولسه بينطق أصوات غلط → هنا لازم تدخل أخصائي.


---

💡 دور الأخصائي في علاج اللّدغة:

1️⃣ تقييم شامل لمخارج الحروف وأعضاء النطق.
2️⃣ تدريب الطفل على الوعي السمعي: يفرّق بين الصوت الصح والغلط.
3️⃣ تدريبات لعضلات اللسان والشفتين والنفس.
4️⃣ تدريبات تدريجية:

صوت في عزلة (ر…ر…ر).

صوت في مقطع (را – ري – رو).

صوت في كلمة (رجل – كرة).

صوت في جملة (الولد معاه كورة).
5️⃣ نقل التدريب للحياة اليومية → استخدام الصوت الصح في البيت والمدرسة.



---

✨ الخلاصة:
اللّدغة مش بس "عيب نطق بسيط"، دي ممكن تأثر على ثقة الطفل بنفسه وتواصله الاجتماعي.
وكل ما بدأنا التدخل بدري، النتيجة بتكون أسرع وأفضل.

—
✍️ بقلم: د/ أمنية ياسر
📍 صفحة: أصل الحكاية: نُطق ووعي