مقارنة الأطفال: تحفيز أم إعاقة؟ نصائح للآباء

❌ المقارنة بين الأطفال.. تحفيز ولا تعجيز؟ ❌

هنتكلم النهاردة عن خطأ شائع جدًا في التربية، وهو المقارنة بين الأطفال، سواء كانوا إخوة، أقارب، زملاء، أو حتى أصحاب.

‼️ مشاهد بنشوفها يوميًا في البيوت:
👇🏻 "خليك شاطر زي أخوك!"
👇🏻 "بص ابن عمك جاب كام في الامتحان!"
👇🏻 "شفت أصحابك عملوا إيه وانت لسه؟"
👇🏻 "بص أختك رسمها حلو ازاي!"
👇🏻 "ابن خالك دايمًا منظم ونضيف.. ليه انت مش زيه؟"
👇🏻 "ليه مش بتجيب درجات حلوة زي فلان؟"

كلنا بنقول الجمل دي بحسن نية، معتقدين إننا بنحفّز ولادنا عشان يكونوا أفضل، لكن الحقيقة إنها بتسبب تأثير سلبي جدًا عليهم.. وعلينا كمان! 🚨

🔴 أضرار المقارنة على شخصية الطفل:

💥 ضغط نفسي شديد على الطفل.
💥 عداوة بين الإخوة والأصحاب بدل ما يكون بينهم حب ودعم.
💥 غيرة وحسد يولدوا مشاعر سلبية بينهم.
💥 انعدام الثقة بالنفس وشعور الطفل إنه "مش كفاية" مهما حاول.
💥 يفقد هويته وإحساسه بقيمته لأنه بيحاول يكون زي غيره بدل ما يكون نفسه.
💥 انخفاض الدافعية.. بدل ما يتحسن، بيحس بالإحباط ويستسلم!
💥 توتر داخل الأسرة ومسافة بين الطفل وأهله بسبب عدم الفهم والتقدير.

🤔 طيب لو مش هنقارن، نعمل إيه عشان نحسن سلوك ولادنا؟

✅ اكتشف نقاط قوة طفلك وشجعه عليها.
✅ اعرف إن كل طفل مختلف وله شخصيته المميزة.
✅ قدّر مجهود طفلك مهما كان بسيط.
✅ قارن طفلك بنفسه مش بحد تاني.
✅ تجنب الإلحاح والضغط الزائد.
✅ علّم طفلك يتحمل نتيجة اختياراته.
✅ درّب طفلك على معرفة احتياجاته بدل ما يبص على غيره.
✅ استبدل العبارات السلبية بكلمات تحفيزية وداعمة.

🚨 ابتعد عن جُمل زي:
❌ "انت مش زي فلان"
❌ "انت فاشل"
❌ "عمرك ما هتتعلم"
❌ "انت ما بتعرفش تعمل حاجة خالص"

🎯 وأخيرًا، فكّر مع نفسك.. هل المقارنة فعلًا تحفيز ولا تعجيز؟!