الناجح يرفع ايده👏👏👏👏👏👏👏🙋🙋🙋

النجاح ما بيجيش من اول مره لا بالعكس بعد محاولات كتير وكتير من الاحباطات والمحاولات "ام بتقول قعدت سنتين اعلم ابني علي الحمام وفي النهايه نجحت "
#ام تانيه بتقول "قعدت ست شهور اقوله صباح الخير لحد ما جه في يوم يقول صباح الخير لوحده "

احلي حاجه هي طعم النجاح بعد الفشل الطويل...يااااه شعور جميل اوي خاصه لو النجاح دا مع ابنك💙💙 ...

#فشلك احياناً بيكون فرصه حلوة لما تعرف انت غلطت وفشلت في ايه فتبدء تحسن وتعدل ...

#اعرف ان الحل بالتدرج وان الامور ما بتمشيش خط مستقيم لا دي الحياه طلعات ونزلات فعلشان تخرج من مشكله هتلف دوامه شويه لحد ما تخرج ومش هتظبط معاك من اول مره وما تتوقعش انك هتنجح من اول مره هي مش بالسهوله دي ...

#الاخطاء المتكرره اللي وردت عليا
لو بتغيب كتير دا غلط
لو بتخاف كتير دا غلط
لو بتستعجل كتير دا غلط
لو بتسوف وتأجل دا غلط

#دايما فكر نفسك ان مافيش حاجه بتيجي من اول مره ...دايما فكر نفسك انك لازم تحاول وتستمر ..دايما تفكر نفسك ان مافيش وقت للحزن والاكتئاب ...

#التدريج لما تلاقي نفسك زهقت او مليت او حزنت او اكتئبت ما تجبرش نفسك علي الاستمرار ليه لان لسه فكره الحزن والملل موجوده في راسك...لكن غير افكارك عدل منها اشغل نفسك ... شوف غيرك خرج من الدوامه دي ازاي لكن تجبر نفسك هتلاقي نفسك بتقع كل شويه ...

#مصارحة النفس
صارح نفسك باخطائك
انا اتاخرت
انا كسلت
انا نمت وقولت سوف
انا عشت دور الضحيه بزياده
انا ضيعت وقت
انا استخسرت اني اساعد ابني بالانفاق وقولت مافيش فايده
انا ....انا

صارح نفسك فالمصارحه هي اولي خطوات حل المشكله...وانك تكلم نفسك وتصارحها دا مش جنون ...بالعكس المجنون هو اللي ما بيكلمش ولا بيواجه ولا بيصارح نفسه ...

#حكمك علي الامور من حواليك اكبر غلط ...وانك تشوف حالك الان انه شر فدا غلط ...لان ربنا مش هيديك حاجه غلط ..مش هيحطك في موضع ضرر...اللي انت شايفه من وجهة نظرك شر ممكن يكون خير كبير لك وربنا بيقول وعسي ان تكرهوا شيئا وهو خير لكم ..فمتحكمش علي حاجه واتعامل مع كل حاجه انها خير سواء عرفت وفهمت او مافهمتش فدا كله خير...