التأكيد ع الملكية :
بص يا سيدي :
هتيجي علي ايد الولد ( اه أيده ) 🖐️
وتقوله : هي دي ايدك انت ؟
ـ الولد : !!!!!! ( ماهو مش متدرب عليها بقى )
انت : اه ايدي انا
وبعدين تشاور ع اي حاجه بتاعته وليكن جاكيت
وتقوله : هو دا جاكيتك انت ؟
الولد : !!!! أو هيكرر السؤال
انت : اه جاكيتي انا
وهكذا بقى يا معلم لحد ما يتقنها .
...........
واحد يقولي : انت بتقول تأكيد مش تدريب ليه ؟
اقولك : عشان يا استاذ دا نشاط بعد ما يكون الطفل خد الملكيه اصلاا ..دا للتأكيد عشان اللغبطه اللي بتحصلهم لما حد يوجهلهم سؤال والمفروض أنهم يقلبوا الضمير من كلام موجه ليهم لكلام بضميرهم هما ..فاهمني ؟
اهو كده النشاط دا مهم جدا ولسه ليه باقي بس اشتغل دا ولو تمام قولي انزلك اللي بعده .
وصلت ؟
بإذن الله وصلت 😁
بالتوفيق يا بطل
لو عجبك من فضلك خدها شير بلاش كوبي بيست خليني اكمل في موضوع البوستات دا ❤️