كيف نبني شخصية الطفل الواثق؟ نصائح أخصائية تخاطب لتربية إيجابية

✋ بوست بقلمي: أمنية ياسر – أخصائية تخاطب وتعديل سلوك 🧠💬

فيه طفل بيتقاله "براحتك"، ولما يختار، يتقاله "إيه الغباء ده؟!"
وفيه طفل بيتقاله "قول رأيك"، ولما يعبر يتقاله "اسكت خالص!"
وفيه طفل بيتقاله "اعتمد على نفسك"، ولما يغلط يتقاله "ما أنت فاشل!"

ببساطة كده... الطفل ده هيكبر "مذبذب"، مش عارف يرضي مين ولا يرضي نفسه، بيخاف يقول رأيه، بيخاف يغلط، وبيشك في كل حاجة بيعملها حتى لو كانت صح.

👈 هو مش عديم شخصية… هو كان عنده شخصية، بس اتسحقت.
👈 هو مش ضعيف… هو اتعلم يرضي اللي حواليه عشان ياخد أمان مش حب.
👈 هو مش بيعاند… هو مش لاقي نفسه أصلاً عشان يعبر عنها.

التربية مش أوامر، ومش كل حاجة غلط تبقى سلوك لازم يتعدل.
فيه حاجات محتاجة "حضن"، و"سماع"، و"فهم"... مش زعيق، ولا عقاب، ولا تهزيق.

🎯 الطفل اللي بيتقاله "أنا واثق فيك" هيصدق نفسه
🎯 واللي بيتقاله "أنا سامعك" هيحكي
🎯 واللي بيتقاله "أنا بحبك على حالك" هيتعلم يحب نفسه

لو عايزين نربي جيل عنده شخصية وثقة وقرار… لازم نبدأ من البيت، مش من العيادات.
ما تحطّموش أولادكم بكلمة… لإنها ممكن تفضل جواهم طول العمر.

#أمنية_ياسر
#أصل_الحكاية_نُطق_ووعي
#التربية_مش_تعنيف
#أخصائية_تخاطب
#التعديل_السلوكي
#الثقة_بتبدأ_من_حضن_البيت