لو حسيت إن فيه حد بيهدد علاقة انا طرف فيها

هي دي الغيرة

تهديد لعلاقة انا بعتمد عليها ...
والغيرة بتكون السبب في اني اعمل أي حاجة تساعدني انقذ العلاقة...
العلاقة فيها خطر ..

دة تفسير مشاعر الغيرة ...

مافيش حد على وجه الارض مش بيحس بالغيرة...

لكن ازاي نقدر نقلل حدة الغيرة، خاصة عند الاطفال؟

الطفل محتاج يطمن ان ماحدش اخد مكانه عندك، حتى لو اخ جديد ..
تقسيم الوقت او عمل جدول شيء ضروري عشان نقلل خطر الاحساس بالتهديد عند الطفل..

ممكن الخطر يكون من اخ جديد او وظيفة او صديق ...

طمنيه واتكلمي معاه كتير...
خديه في حضنك... بدون سبب
على الاقل ١٥ دقيقة في اليوم نشاط مشترك...
والاهم التقدير والحب والاحترام ...

خاصة ان الغيرة بتزود مشاعر الغضب ...
والغضب بيأثر على الدماغ ...
ونفضل طول اليوم في دائرة غضب ...

حاولي تساعديه يتحكم في مشاعر الغيرة