ازاي اعرف ابني فرط حركه ولا شقي؟

بحدد ازاي الطفل دا فرط حركة أولأ من خلال انك تعمل دراسه الحاله تجمع كل البيانات عن الطفل من ولي الامر وبعدها طبق محكات الدليل التشخيصي والاحصائي الخامس DSM_5 واعمل الملاحظة الإكلينيكية للحاله وبعدها طبق اختبارات خاصه بفرط الحركة من اجل تحديد شده الاضطراب ممكن تتطبق كمان اختبار الذكاء من اجل استخراج نقاط القوه والضعف في المجالات النمائية الخاصة بالانتباه
طفل الADHD مش بيتحرك بمزاجه لأن في أسباب لربما تكون وراثية أو كيميائية أو خلل فى الناقلات العصبيه أو ربما وجود كهربا زيادة على المخ أو زيادة في معدل إفراز الغدة الرقيةالدرقية أو عدم إلتصاق النصفين الكرويين أو عدم نضج الفص الأمامي ، المهم إن طفل ال ADHD عنده أسباب عضوية يعنى حاجة خارجه عن إرادته، إنما الطفل الحركى بيقدر يتحكم فى حركته
في 10 فروق بفرق بيهم بين طفل الADHD والطفل الحركي:
1- طفل ال ADHD حركته كثيرة جدا جداً وحركة عشوائية وغير منتظمة ولو قولتله يقف هيقف بس مش هيكمل دقيقة ويرجع يكمل حركته العشوائية أما الطفل الحركى حركته كتيرة برضو ولكن منظمة عن ال ADHD وإن قولتله يقف يسمع الكلام وحركته موجهة عن طفل ال ADHD و بيقدر يتحكم فى حركته
2- إن طفل ال ADHD يتحرك فى كل مكان البيت ، المدرسة، عند الأهل، الشارع، السوبرماركت أى مكان، أو على الأقل فى أغلب الأماكن.
أما الطفل الحركى أه ممكن التحرك فى البيت والشارع المدرسة بس مش فى كل مكان في المدرسة يعنى أماكن محدودة.
3- إن طفل الى ADHD حركته مؤذيه( مؤذية لنفسه و مؤذية لغيرة ) "طفل الحوادث". إنما الطفل الحركى مش بيأذى غيره.
4- بتلاقي ان طفل فرط الحركة بيطلع علي حاجات مينفعش يطلع عليها وبتكون هتسببله أذي. انما الطفل الحركي تصرفاته معقوله لأن اي طفل بيعملها عادي "بتلاقي الام جايه تقولك ابني بيثبت ايده ورجله علي الباب وعاوز يطلع عليه دا عادي اي طفل بيعمل كده".

5:طفل فرط الحركة مبيقعدش في الفصل أزيد من 10 دقايق" مبيثبتش في مكانه". علي عكس الطفل الحركي.
6 : طفل فرط الحركة مندفع ومش بيستني دوره ومش بينتظر لما اللي بيسأله يكمل سؤاله بيقاطع الأم لما تيجي تتكلم في التليفون بيقاطع المدرسه لما بتكون بتشرح، مبينتظرش دوره في الاجابه يعني لو عارف الاجابه يقول علطول مش يستأذن علي عكس الطفل الحركي بيقدر يتحكم في ذاته.

7: ان طفل فرط الحركة بيتشتت بسهوله بسبب المثيرات الخارجيه
سواء مثير سمعي او بصري
أما الطفل الحركي بينتبه لفتره اطول من طفل ال ADHD
8: طفل فرط الحركة مبيقدرش يدي أي اهتمام للتفاصيل الدقيقة، وبالتالي دا بيؤثر علي مستواه في التحصيل الدراسي "بينسي هو اخد اي في المدرسه لما بتيجي تسأليه، وأنه مبيكملش كتابه الواجب بتاعه، أو مبيكملش كتابه الحاجه من علي السبورة.
علي عكس الطفل الحركي.
9: طفل فرط حركة لا يستطيع تنفيذ الاوامر بسهوله، ولا يستطيع إكمال المهام
علي عكس الطفل الحركي.
10:طفل فرط حركة مرضي،يحتاج لبرنامج علاجي شامل جزء دوائي،جزء أسري، وجزء تعديل سلوك وجزء تدريبات للثبات الحركي وتنميه الانتباه والتركيز السمعي.
انما الطفل الحركي محتاج بس تعديل أسلوب التربيه "عقاب وحزم، ويبقى فيه قوانين للبيت وضوابط .