ازدواجية اللغة 🙆‍♀️
من اكتر المشاكل اللي بتواجهنا مع الاطفال دلوقتي مشكلة ازدواج اللغه ✨
يعني ايه ❓✨
انا اقولك
✍️يعني الطفل قبل مانثبت عنده اللغه الام بتاعته اللي هي العربي اجري اعلمه انجليزي او فرنساوي او اي لغه تاني او حتى اثناء تعلم اللغه العربيه
طيب وهل دا خطر❓
⚡⚡⚡طبعااااا

عشان الطفل عقله لسه صغير مايقدرش يستوعب اكتر من لغه قبل ما يكمل الخمس سنين
وتعلمه للغه تاني غير اللغه اللي بيتكلم بيها المجتمع اللي حواليه هتؤدي لواحده من المشاكل دي:
❎اما ان اللغه التانيه تطغى على الاولى وتضعفها
❎واما هيحصل عدم فهم للبيئه نتيجه للفروق بين اللغه اللي الطفل بيتكلمها والمجتمع
❎او هيحصل عزله اجتماعيه نتيجه لعدم فهم كلام الناس او عدم فهم الناس للطفل
❎او هيحصل تهتهه او لجلجه
❎او هيتم الخلط بين اللغتين بطريقه خطأ وكدا الطفل هيوقف في النص لا هيتقن اللغه الام ولا هيتقن اللغه التانيه وهيكون كلامه مزيج بين الاتنين
❎او هيحصل عندي تشتت رهيب من كتر التركيز في فهم الناس والتدقيق في كلامي

⚡⚡⚡⚡طب ايه الصح دلوقتي❓

الصح اني في خلال اول ثلاث سنوات من عمر الطفل مادخلش اي لغه غير اللغه الام اللي المجتمع اللي عايشه فيه بيتكلمها
واثبتها فهم وتسميه ثم بعد ذلك
ادخل واحده واحده اللغه التانيه مع عدم اهمال اللغه الام برضه لغاية مالطفل ادراكه يعلى ويكون قادر على التحكم في اللغتين وامتى يستخدم دي وامتى يستخدم الاخرى👌👌
وبرضه مهما اتعلم الطفل لغه اخرى لازم اخليه يستخدم اللغه الام عشان يقدر يتواصل بطلاقه مع المجتمع اللي عايش فيه .
منقول