🔴نوبات الغضب عند الأطفال

أغلب الأطفال بيمروا بنوبات غضب (الصراخ، البكاء، الرمي على الأرض) من عمر سنتين لـ 5 سنين. وده مش معناه ان ابنك عنيد أو صعب فالتعامل بالعكس.. ده جزء طبيعي من نموه لأنه لسه بيتعلم يعبر عن مشاعره .

طيب إزاي نتعامل مع نوبة الغضب؟

1. حافظ/ي على هدوءك: الطفل بيستمد طاقته من رد فعلك
2. احتويه مش تضربه: ممكن تقول "أنا فاهم إنك زعلان" بدل العصبية عليه بدون مبرر.
3. تجاهل السلوك الخاطئ لو مش فيه خطر(مهم اوي).
4. اعرض بديل: "تعالى نرسم" أو "تعالى نلعب" بدل ما تقعدوا تتخانقوا.
5. بعد ما يهدأ، اتكلم معاه ببساطة عن اللي حصل.

🚫 اللي ماينفعش اعمله كأم او أب:

الضرب.

الصراخ في وش الطفل.

الاستسلام لكل طلباته لمجرد يسكت( مهم اووووي)