إدارة الخوف: تقبل مشاعرك، واجه مخاوفك، وتغلب عليها

الخوف….
طبيعي انك تخاف …لاكن المهم بتتعامل مع خوفك ازاي؟!
امتي الخوف يضرك؟وامتي ينفعك؟
كتير من الاهالي بتدرب اولادها علي انهم مايخفوش…
وفي اهالي للاسف بتتعامل غلط جدا مع الموضوع ده …
طيب خليني اقولكم الاول ان الخوف ده صحي جدا
لان احنا عقلنا لما بيحس بخطر بيحمينا عن طريق مشاعر الخوف ..مشاعر الخوف بتطلع لما العقل بيحس بخطر فينبهنا فمع الاحساس بالخطر بنخاف …
والخوف بتصاحبه مشاعر قلق وتوتر لاني لما بحس بخطر بخاف فبقلق علي نفسي وبالتالي بتوتر..
وده شئ صحي جدا لان بدون الخوف ممكن اوي نأذي نفسنا او نعرض نفسنا لمواقف خطرة علينا .. ولكن الخوف بيوقفنا وده
اللي بيخليه نافع لينا …
طيب امتي الخوف بيكون ضار؟؟؟
لما بيوقفنا بيوقف تقدمنا ..
بيوقف انجازاتنا..
لما بيأثر علينا وعلي جوانب حياتنا و اوقات كمان بيأثر علي اللي حولينا ..
طيب ازاي؟
لو عندك امتحان ومذاكر كويس ممكن اوي من كتر الخوف متشوفش الورقة ومتعرفش تحل ..او الايجابات تطير من دماغك مع انك مذاكر كويس
او لو عندك انترفيو مهم ومن كتر الخوف ممكن لسانك يتربط ومتعرفش تتكلم مع انك ممكن تكون بتعرف تتكلم كويس جدا
لو محتاج تاخد قرار ممكن تعطل لانك خايف ..وتلاقي نفسك مش عارف تاخد القرار …
ممكن تكون عايز تتعلم حاجة جديدة وخوفك يوقفك ..زي السواقة مثلا..
او تجيلك فرصة عمل متقدرش تقدم عليها لانك خايف من حاجة معينه …
وممكن تلاقي نفسك بتخاف من النملة ..او من القطة ..
او من العصفوره ..لدرجة ان ممكن نفسك يضيق اما تشوفيها..
او ممكن تخاف من المرتفعات او من ركوب الطيارة…
وامثله تانيه كتير للخوف واشكاله ..
طيب ايه الحل ؟!
ازاي ممكن ادير خوفي ؟
ازاي اتعامل معاه؟
اولاً … محتاج تقبله …
اقبل مشاعر الخوف عادي جدا…
وابتدي ادير مشاعري ..
ازاي؟
اقول لنفسي ايوه انا خايف ..
طيب خايف من ايه ..
خايف متقبلش في الانترفيو..
خايف اتكلم اتلجلج فالناس تضحك عليا..خايف حد يحرجني بكلمه تدايقني..
خايف الفرصة تروح …
طيب انت كده عملت ايه قبلت خوفك ومشيت معاه وعرفت انت خايف من ايه بظبطت ..
فهنا هسأل نفسي وفين الخطر في الموضوع …
هل هيموتوني؟هل مستقبلي هيوقف علي الفرصة دي..
هل هيضروني بحاجة؟
هلاقي نفسي بقول لا طبعا لان زي ما الفرصة دي جت فرص تانيه عادي ممكن تيجي مادام انا بسعي وبعمل اللي عليا ..

.. وَأَن لَّيْسَ لِلإِنسَانِ إِلاَّ مَا سَعَى, وَأَنَّ سَعْيَهُ سَوْفَ يُرَى , ثُمَّ يُجْزَاهُ الْجَزَاء الأَوْفَى.

طيب هل هيعملوا فيا حاجة او يموتوني مثلا ..
اكيد لا ايه الهبل ده انا رايح اقدم علي حاجة ويسألوني كام سؤال وخلاص..

قُل لَّا أَمْلِكُ لِنَفْسِي نَفْعًا وَلَا ضَرًّا إِلَّا مَا شَاءَ اللَّهُ ۚ وَلَوْ كُنتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ ۚ إِنْ أَنَا إِلَّا نَذِيرٌ وَبَشِيرٌ لِّقَوْمٍ يُؤْمِنُونَ

طيب اذاً فين الخطر ؟!!
فهنا انا عملت ايه …
قبلت مشاعري....
مشيت معاها وجهت افكاري ..
فعملت ادارة لمشاعري..

طيب هل ده بيجي من مرة ؟!!علي حسب درجة الخوف وعلي حسب تقبلك ليها وعلي حسب الاسباب والدوافع الاساسية للخوف اذا كان زيادة ..
وممكن كمان يكون مصاحب قلق شديد او توتر شديد
او اوقات بيصاحبه panic
ولكن الموضوع ممكن لو الخوف زيادة اوي هيكون محتاج therapist يمشي معاكي خطوة بخطوة

واخيراً…
لو عندك اولاد بتخاف من حاجات ممكن تكون انت شايفها مش مبرره ..
وان عادي ليه تخاف ..
انا عايزه شجاع ومايخفش ..
جميل يبقي واحده واحده
لازم تتعامل صح …لازم تحترم مشاعره وتحترم خوفه ..
تطمنه وتشجعه .. وتمدح محاولاته حتي لو كانت فاشله ..
مجرد انه قرب من القطه بس ملمسهاش عادي جدا المهم انه بيحاول يتغلب علي خوفه
وبلاش تموت احساس الخوف عنده خالص وتوصله انه اللي بيخاف يبقي جبان ..
لا هو لازم يخاف عاي فكره ..لازم يبقي بيحس بالخطر..
عشان يقدر يحمي نفسه ..
ولكن علمه ازاي يقبل خوفه
و ازاي يتعامل مع خوفه.. ازاي يدير المشاعر دي …..

متوقفيش حياتك بسبب الخوف واجهيه..
ولو مش عارفه اطلبي المساعدة ..
ومتتعامليش مع ولادك غلط في الخوف حاولي تحتوي الموقف واهم من انك تحتويه انك تعلميهم وتدربيهم …

دمتم بخير🌹دمتم سالمين..