ليس بالذكاء وحده ينجح الإنسان فى الحياة

هل فعلا اختبارات الذكاء اللى بنعتمد عليها فى تقييم اولادنا و فى المدارس هى المقياس الحقيقى و الواقعى لقياس قدرات الطفل و التنبؤ بشكل مستقبله فى حياته و درجة إنجازاته؟؟؟؟😉😉

الحقيقة السؤال دا دايماً بيهمنى جدا من زمان جداً وخصوصاً بعد ما أصبحت أم ،
و من قبل ما أشتغل فى مجال مهارات التعلم و أدرس دراسات كتير كلها يتدور حوالين معرفة هذا العضو المعجزة المستقر فى الجمجمة " المخ تشريح و العقل كعمليات ادراكية و تفكير
كنت بسأل نفسى " هل تنمية معدلات الذكاء
لوحدها كفاية لتحقيق النجاح و السعادة الحياة ؟
سؤال اخر
🤌🤌🤌🤌
✅ما هو الفرق بين الذكاء و العقلانية ؟

يلا كده توقفوا عن القراءة و حاولوا تجاوبوا ، ما الفرق؟؟؟ 🤔🤔🤔

هقولكم بعد ما حاولتم 😊

🔹العقلانية ببساطة و من غير تعريفات معقدة : هى استخدام المنطق فى التفكير ، و القدرة على إتخاذ قرارات حكيمة وواقعية.

🔹طب ما هو الذكاء ؟

هأخذ تعريف بينية

الذكاء على أنّه يتكون من أربعة قدرات، وهي: الفهم والابتكار والنقد والقدرة على توجيه عمليات التفكير في جانب معيّن واستمرارية الخوض به

زى ما شبة فى البرنامج الذكاء محرك و العقلانية هى القدرة على القيادة…

عجبنى جداً السؤال اللى بعده …
يحصا ايه لو عندى محرك عظيم بس مش بعرف أسوق؟

هو دا الحال بالضبط فى تقييم عدد كبير من أولادنا و طلابنا .

بنزكز كأهل و مدرسين على قياس المحرك ، الذكاء عند الأطفال .. و بهوس بنعمل اختبارات الذكاء و المعدلات فى الطبيعى و لا أقل و لا تصل لدرجة العبقرية

و بنتجاهل تماماً طوال السنين اننا نعلم اولادنا قيادة عقولهم اللى هى العقلانية

أقوى مثال لذلك شخصية " نجيبة متولى الخولى "
فى فيلم الثلاثة يشتغلونها …. من الاوائل من صغرها و الثانوية العامة طلعت الأولى و لو عملنا لها اختبار الذكاء، هتلاقى انها ممكن تصل للعبقرية

و لكن لو عملنا لها اختبار ات لقياس مستوى العقلانية عندها هنلاقى صفر big zero’s

الدليل على ده كم المشاكل و المواقف اللى وقعت فيها نجيبة لما خرجت للحياة و ازاى ناس قدرت تضحك عليها و تستغلها و تجرحها بسبب افتقاد قدرتها على استخدام العقلانية فى حكمها على الأمور

تمييز الكذب من الحقيقة
الخيال من الواقع
تأخذ قرارات صح
تميز بين الناس و تفهم شخصيتهم
تدرك ما هو منطقى و ما هو وهم و تضليل

لم ينصلح حال نجيبة و لا بدأت تعيش صح بلا مشاكل و تنجح الا لما بقو عندها عقلانية

و طبعاً اكتسبتها ب hard way
و كان ممكن متوصلش لها طول حياتها زى ما بعض الناس فصلوا تايهنين بذكاءهم الحاد فى الدنيا ، عمال يوديهم يمين و شمال لأنهم معندهمش مهارة قيادة عقولهم اللى اسمها " العقلانية "

كده فهمنا مع بعض أن هوس البحث عن معدلات ذكاء الطفل و بس دا مش كافى تماماً اننا نطمن على مستقبل أولادنا و ادائهم فى الحياة.

✅محتاجين جداً جداً نعمل التالى :

١- نربط الطفل بالحياة الواقعية من الصغر، يتعلم من مصادر طبيعية و ليست الكترونية ، من الطبيعة ، التعامل مع الناس خارج جدران بيته، نحكى له حواديت كتير

٢- التجارب الحياتية ، يفهم التعاملات مع الناس بمستوياتهم المختلفة اجتماعيا ، ثقافيا، فرق بين تعامل مع بنات و اولاد، كبار و صغار، اقارب و أغراب

٣- يشارك بشكل مباشر فى المناسبات، افراح ، زيارة مريض، عزاء…. ويفهم طببعة كل مناسبة، و طقوسها و تعاملاتها

٤- مشاركة المسئوليات فى البيت ، و خارج البيت
بالتدريج حسب سنه ، عشان يتعلم يعرف يتصرف من صغره.

بكده هنربى أطفال مؤهلين للحياة عندهم مستوى عالى من العقلانية

كده فهمنا أن الإنسان اللى عنده عقلانية أكتر من نسبة ذكاءه بناعة الاختبارات هيكون ناجح و سعيد أكتر من الشخص العبقرى بس عنده zero عقلانية او نسبة ضعيفة منها

✅الخلاصة:
اهتموا بالعقلانية جداً و قللوا هوس قياسات الذكاء و تنميته عند الأطفال

مع الاهتمام بالمحرك ( الذكاء) علموا اولادكم فن قيادة العقل( العقلانية)