ما هو اضطراب "بيكا"؟ كل ما تحتاج معرفته لطفلك | أسباب وعلاج

🧠🍽 لما تلاقي طفلك بياكل صابون… ما تضحكش! ده اسمه اضطراب "بيكا"
#بقلمي: أمنية ياسر
#أصل_الحكاية_نُطق_ووعي

في أطفال بتاكل صابون، رمل، طباشير، ورق، تراب، طين… وناس حوالينا بتضحك وتقول:
"دي مرحلة وهتعدي"
"ده بيحب يستكشف"
"مش مهمة"
لكن الحقيقة إن اللي بيحصل ده اسمه اضطراب نفسي وسلوكي اسمه "بيكا – PICA"، ومش مجرد عادة.

👈 يعني إيه بيكا؟
هو اضطراب في الأكل بيخلي الطفل (أو الشخص الكبير) ياكل حاجات غير غذائية وخطيرة، زي:
صابون – رمل – شعر – بلاستيك – طين – أسفلت – طباشير – ورق – خشب…
والموضوع ممكن يستمر شهور، ويسبب مشاكل صحية خطيرة.

💥 الخطر الحقيقي مش بس في المواد دي، لكن كمان في السبب اللي ورا السلوك ده!
أسباب اضطراب بيكا ممكن تكون:

نقص معادن زي الحديد أو الزنك

اضطرابات في النمو العصبي زي التوحد أو الإعاقة الذهنية

إهمال عاطفي أو بيئي

اضطرابات نفسية

محاولة لجذب الانتباه

أو ببساطة… الطفل مش لاقي بديل آمن يفرّغ فيه طاقته واستكشافه!


🚨 لو طفلك بيحط حاجات مش للأكل في بُقه بشكل متكرر وملحوظ:

ما تطنش

ما تزعقش

ما تضحكش
لأن ده نداء خطر بيقول: "أنا محتاج مساعدة"!


✅ الحل؟

فحص طبي شامل (تحاليل: أنيميا، معادن، ديدان)

تقييم نفسي وسلوكي للطفل

تدخل من أخصائي تعديل سلوك

تنظيم بيئة الطفل ومنع الوصول للمواد الضارة

تعليم الطفل بدائل آمنة

احتواء مشاعره وفهم دوافعه


❤️ البيكا مش شقاوة ولا دلع، ده ناقوس خطر محتاج فهم واحتواء وتدخل.

شارك البوست… يمكن تنقذ طفل أهله مش واخدين بالهم.
#اضطراب_بيكا
#تعديل_سلوك
#التخاطب
#أصل_الحكاية_نُطق_ووعي
#أمنية_ياسر