السلام عليكم ورحمة الله وبركاته
تعرفي ياماما أن في طريقة اسمها طريقة أو أسلوب الإضافة بنستخدمه لزيادة الحصيلة اللغويه عند الطفل
تعالي نعرفها سوا 🤍
📌طريقة الإضافة من اسمها كدا أن بضيف شئ مع شئ اخر
ازاي ؟؟
الطفل ف مرحلة اللعب بالأصوات بيبدأ يقول اصوات عشوائية دا ، دا ،ما ،با ،نا ....
دورنا نستغل الاصوات دي و نوظفها و نعطي الاصوات مدلول عن طريق إضافة اصوات تانيه ليها
مثال توضيحي (الطفل قال :با-هنضيف عليها و نقوله بابا
كو- كورة، العب بالكورة ....
كذلك إلي أن يبدأ في تكوين كلمة مفردة
طيب الطفل اصلا بيقول كلمات مفردة نقدر نستخدم اسلوب الإضافة ازاي
عن طريق أننا بنضيف كلمة مناسبه مع الكلمة اللي قالها الطفل وفقاً للموقف
الطفل قال بابا وقت دخول باباه البيت نقول بابا جيه ، بابا باي ، بابا نام .....
كورة .. تلعب بالكورة هات الكورة .... و هكذا
الطريقة دي بتساعد الطفل علي ربط الاصوات و الكلمة و تكوين جمل كلامية
و بس كدا 🤍❤️
دُمتم بخير ✨🤎