تطوير مهارات التواصل لدى الأطفال: برامج تأهيل فعّالة

أهلًا بك،

فكرة حلوة إنك هتبدأ جلسات تخاطب، ده هيفيد الطفل أكيد. مبدأيًا، نصيحتي أبدأ بالتقييم الشامل للطفل، شوف نقاط قوته وضعفه في كل جوانب اللغة (الفهم، التعبير، النطق...). ده هيساعدك تحدد البرنامج المناسب.

مافيش برنامج واحد يناسب كل الأطفال، لأن كل حالة فريدة. لكن بصفة عامة، ركز على البرامج اللي بتعتمد على اللعب والتفاعل الممتع، زي استخدام القصص والصور والألعاب الرمزية (Play-based therapy) . ممكن كمان تستفيد من تقنيات AAC (Augmentative and Alternative Communication) لو الطفل بيواجه صعوبة في التعبير بالكلام.

اختيار البرنامج المناسب هيعتمد على عمر الطفل، مستواه اللغوي، ونوع صعوبته. وأهم حاجة تكون جلساتك ممتعة ومش ضاغطة عليه عشان يحبها ويكون متحمس ليها. ربنا يوفقك.

اهم حاجه لازم تكوني بتعرفي تقيمي كويس جدا وعندك قوة ملاحظة ودي هتتطور عندك مع الممارسة

ثانيا لازم تكوني صبوره وعندك مرونة في التعامل لانك هتقابلي ناس مختلفة من طبقات مختلفة

لازم يكون قوة تحمل وإرادة علشان متحبطيش بسرعة

مينفعش برنامج واحد ينفع مع الاطفال كلها كل طفل وليه حالته وليه برنامج لان اكيد انتي عارفة أن ف حاجه اسمها فروق فردية يعني مش كل طفل زي التاني
..
..وكمان نقطة بحسها بتفرق في شغلنا وهي انك تقلب طفل علشان تعرف تتعامل مع الطفل ويحبك ويتقبلك

اخيرا بقا لازم يكون ليكي شخصية كويسة مع الاطفال وتعرفي تسيطري ع السيشن بتاعك كويس