حابه أتكلم انهارده عن أهم مهارة وهي مهارة التدريب علي الجلوس لطفل فرط الحركة و تشتت الإنتباه :

من ضمن اكتر الحجات المهمة اللي تكون موجودة في طفل فرط الحركة هي تمارين الجلوس و عشان هي مهمة اوي كدة تعالي اقولك ازاي تشتغلها كأخصائي أو ك ام و اب في البيت

1_ اخلي الطفل يقعد ع كرسي مرتين في اليوم لمدة خمسة دقائق بدون ما يعمل اي شئ زي أنه يتفرج علي شاشة أو يلعب بموبايل أو اي شئ تاني.

2_ اتعامل بكل حزم أثناء جلوس الطفل و ده مش معناه عنف مع التدريب بس معناه اني مستجبش تماماً لبكاء الطفل لرغبته أنه عايز يقف ع الكرسي خصوصا في المرات الأولي من التدريب.

3_ طب لو وقف ؟! في الحالة ده ( و ده أمر طبيعي في الأيام الأولى من التديب أنه يقف ) إرجاعه بكل هدوء للكرسي من غير توبيخ للطفل إطلاقاً أقوله بس ( إقعد ع الكرسي ) و احسب الوقت من البداية.

4_ طيب في حالة أنه كمل المدة المحددة وإلتزام الطفل بأداء التدريب! بقوم معززه بإني اديله شئ محبب سوا معزز مادي زي لعبة معينة أو معزز معنوي زي اني اشجعه بالكلمات ( شاطر ) والأحضان.

5_ نزود المدة تدريجيا و ده بأني اضيف 5 دقائق بعد ما الطفل يكون قادر بالفعل علي أنه يلتزم بالجلوس لمدة 5 دقائق لحد ما نوصل كحد أقصى 35 دقيقة مرتين في اليوم.

6_ يفضل تغيير المكان والكرسي في كل مرة و منلتزمش نعمل التدريب في مكان و كرسي محددين.

7_ مدة التدريب من شهر لشهرين حسب إستجابة الطفل

8_ مع الوقت بندي أنشطة للطفل يقوم بيها و نزيد من الوقت تدريجياً