لو عندك طفل من طيف التوحد، البوست ده معمول ليكي 👇

التواصل البصري مهارة، وبتتعلّم خطوة خطوة ❤️

أول خطوة: تهيئة البيئة
لازم المكان يكون هادي وبسيط جدًا. مفيش دوشة، مفيش ألعاب كتير حواليه، مفيش أي مشتتات. هدفنا إن الطفل يشوفك "إنتي وبس" 👀.

تاني خطوة: مستوى النظر
ماتكونيش أعلى منه! انزلي لمستواه، اقعدي قدامه على نفس الخط. وكمان خلي ضهرك للحائط وهو ضهره للغرفة. كده المجال البصري بتاعه هيكون مركز عليكي بس 👌.

تالت خطوة: اختاري الأدوات الصح
مش أي لعبة وخلاص! لازم تكوني عارفة هو بيحب إيه 💡. اعملي "تقييم معززات" وحددي الألعاب أو الحاجات اللي بتشد انتباهه (نور – صوت – حركة – وأكل كمان 🍪).

طريقة التدريب
ابدئي العبي معاه بالأداة اللي بيحبها وقربيها منه *ببطء* لحد ما يبدأ يبص عليها. بعدها قرّبيها من عينك وشجعيه يبصلك 👀. ممكن تقولي اسمه أو تستخدمي مساعدة لفظية خفيفة.

✨ أول ما يبصلك = تعزيز فوري! (تصفيق 👏 – حضن 🤍 – كلمة حلوة – اللعبة نفسها – أو حاجة بيحبها في الأكل 🍫).

التعزيز بالطعام (مهم جدًا)
لو طفلك بيحب نوع أكل معين، استخدميه كتعزيز قوي جدًا 🍟.

بس خلي بالك من شوية قواعد:
✔️ قطعة صغيرة مش كمية كبيرة.
✔️ يتاخد *فورًا* بعد ما يبصلك.
✔️ مايكونش متاح طول الوقت (عشان يفضل له قيمة).
✔️ يفضل يكون حاجة سريعة الأكل (زي بسكوتة صغيرة أو قطعة شيكولاتة).

أفكار ألعاب تساعدك
🎯 ليزر
🎯 استيكر جنب عينك
🎯 لعبة "بخ" (اخبي وشي وأظهر فجأة 😄)
🎯 كشاف
🎯 ألعاب فيها إضاءة
🎯 تدريبات قدام المراية

كل الألعاب دي هدفها واحد: "يبصلك… ويتواصل معاكي" ❤️.

مهم جدًا: التنظيم والتقييم
اعملي جدول بسيط واستخدمي تايمر ⏱️. سجلي الوقت اللي بيبص فيه وحاولي تزودي المدة تدريجيًا يوم ورا يوم.

✨ السر كله في الاستمرارية + الملاحظة 👌.

💥 وأهم رسالة لكل أم:
الأخصائي دوره مهم… بس مش كفاية لوحده. إنتي الأساس… وإنتي اللي معااه أطول وقت 👩‍👦❤️. كل دقيقة بتشتغلي فيها مع ابنك = خطوة لقدّام.

🌱 ماتستعجليش النتيجة… بس ثقي إن التعب ده هيجيب نتيجة مبهرة. وطول ما إنتي مركزة في التفاصيل… هتشوفي الفرق بنفسك 💫.

❤️ شاركي البوست مع أي أم محتاجة الأمل ده. وقوليلي في الكومنتات: إيه أكتر حاجة ابنك بيحبها وبتستخدميها كتعزيز؟

📌 اللي عايز بقى ملف فيه أكثر من 50 نشاط لتدريب التواصل البصري داخل الجلسة، يسيب كومنت في التعليقات وأنا هبعتهولوا.