التربية مش بس أوامر وتصحيح سلوك وأخطاء
التربية مش معناها إننا طول الوقت نصحح أخطاء أولاد ونوجههم ، ونقول ده صح و ده غلط
التربية كمان لازم يكون فيها فيها ضحك، فرح، وذكريات حلوة نعيشها مع أولادنا
لما نقضي معاهم وقت ممتع حتى لو في حاجة عادية زي اننا نطبخ مع بعض، او نخرج نتمشي شويه ونروح حديقة ، أو نلعب معاهم بلعبة بسيطة ، او نمثل أدوار ، نشوف معاهم كارتون إحنا بنبني رابط عاطفي قوي بينا وبينهم
الوقت ده هو اللي بيخليهم يحسوا بالأمان والحب وإن رغباتهم وإحتياجاتهم متشافه وده جزء مهم من التربية زي بالضبط وضع القواعد والأوامر والتعليم

_ وأهم حاجه لازم نحافظ على التوازن
نعلم الطفل ونوجهه لما يكون محتاج لده
وباقي الوقت بنضحك وبنلعب وبنستمتع سوا
التربية الناجحة مش بس بتنشئ طفل يعرف الصح من الغلط لكن كمان بتنشئ طفل سعيد ، واثق من نفسه ، محبوب وعنده ذكريات دافيه مع عيلته