إبني ضعيف الشخصية ليه؟🤷🏻‍♀️ 😥
ضعف شخصية أطفالنا ممكن نكون إحنا السبب فيها بنسبة كبيرة من غير مانحس بسبب بعض أساليب التربية مثل:
🔸الفشل : لما تحمليه مسؤولية كبيرة اكبر من سنه ويفشل في إتمامها.

🔸الشعور بالذنب : لما تلومي طفلك بالكلام ويبتدي يحس إنه السبب في مشكلة .

🔸التخويف : لما تهددي طفلك بالعقاب أو بوالده أو بحرمانه من حاجه هو بيحبها أو بعقاب عنيف .

🔸المقارنة : لما تقارني بينه وبين أخواته أو أصحابه ويبتدي يحس إنهم أفضل منه.

🔸السخرية : لما تسخري منه أو من شكله وتسمحي لحد يتريق عليه قدامك وتسكتي أو تضحكي عليه.

🔸الصراخ : كتر الصراخ في وجه الطفل بيحسسه بالخوف وده بيقلل من ثقته في نفسه .

🔸إلغاء شخصيته : لما تجبريه علي تنفيذ أوامر من غير مناقشة ومتاخديش رأيه حته في المواقف اللي تخصه.

🔸عدم التشجيع : لما تنتقدي طفلك علي كل غلطه بيعملها ومتشجعهوش علي أى موقف صح بيعمله.

🔸الصورة المشوهه : لما كل شوية تقوليله أنت غبي ، أنت مش بتفهم ، أنت فاشل ويبتدي يسأل نفسه هو أنا وحش ؟

🔸الحب المشروط : لما تحسسي طفلك إنك بتحبيه علشان مؤدب وبيسمع الكلام وينفذ كلامك علشان متكرهوش ويبتدي يطبق ده مع أي حد بيحبه من غير أي اعتراض .