السلام عليكم ورحمه الله وبركاته 🤎

هنتكلم عن حاجه مهمه جدا و هي االابراكسيا

🧠 الابراكسيا مش عناد ومش تأخر عادي في الكلام

أطفال عندهم حاجة اسمها الابراكسيا النطقية ودي مشكلتها مش في العضلات خالص
المشكلة في المخ اللي مش بيقدر يبعَت أوامر مظبوطة للسان والشفايف عشان الطفل ينطق الكلمة صح

يعني الطفل عارف هو عايز يقول ايه بس مش قادر يطلّعه
كل مرة ممكن ينطق نفس الكلمة بشكل مختلف وكلامه بيكون مش واضح حتى لأقرب الناس ليه

تجربتي في الجلسات علمتني إن الموضوع محتاج صبر كبير جدا
مفيش نتيجة بتظهر في يوم وليلة ولا من جلستين
بس لما نمشي على خطة تأهيل مظبوطة ونشتغل صح بنشوف فرق حقيقي

أهم حاجة
نشتغل على التخطيط الحركي للكلام خطوة خطوة
نستخدم التكرار والوضوح والتدرج
وندّي الطفل الوقت الكافي من غير استعجال