كنا اتكلمنا قبل كده عن فوائد اللعب بشكل عام، النهاردة هنتكلم عن لعبة معينة ونعرف فوائدها، وهي لعبة البازل 🧩. لعبة البازل ممتعة ولها فوائد كتيرة للأطفال والكبار.

من فوائد لعبة البازل:

* بتنمّي المهارات العقلية، بتحفز التفكير المنطقي وبتعلّم حل المشاكل. 🤔

* بتقوّي التركيز والانتباه، بتساعد الأطفال اللي عندهم تشتت انتباه على التركيز أكتر. 🎯

* بتنمّي المهارات الحركية الدقيقة، لما الطفل يركّب القطع، بيقوّي عضلات إيديه وبيحسّن التنسيق بين عينه وإيده. 🖐️

* بتعلّم الصبر والمثابرة، الطفل بيتعلّم إنه ياخد وقته ويفكر بهدوء عشان يوصل للحل. 😌

* بتحسّن الذاكرة، بيساعد الطفل على تذكر الأشكال والألوان وأماكن القطع. 🧠

* بتنمّي مهارات التعاون لو اتلعبت في مجموعة، الأطفال بيتعلموا يشتغلوا مع بعض ويتشاركوا الأفكار. 🤝

* بتزيد الثقة بالنفس، لما الطفل يكمل الصورة، بيحس بإنجاز وبيفرح. 😊

اختاري نوع البازل المناسب لعمر الطفل، مثلاً البازل الخشبي للأطفال الصغيرين، وبازل عدد قطع أكبر للأكبر سنًا.