لو سمحتوا طفل عنده ٣ سنين و ٣ شهور
جالي مش بيتكلم غير ماما وبابا و لأ و اووف فقط لا غير
مش بيستجيب للأوامر لكن يقلد حركات كبرى بس لما اقوله سقف مثلا مش بيفهم يعني اي سقف بس لما اسقف يسقف زي اقوله ارفع ايدك مش بيفهم بس لما ارفع ايدي يرفع زي
الاستقبالي عنده مفيييييش خااالص
اشتغلت بقاله معايا خمس جلسات يجيلي
من اول ماجه وانا شغاله على انه يعرف طماطم هات طماطم فين طماطم على طماطم حقيقية ومجسم وصور ولسه مش عارف بس لو مسكت كارتين مثلا طماطم وخس وقولت ل طفل تاني هات الطماطم وجابها واقوله يلا هات الطماطم يقلده ويجيبها
ف خلال ال خمس جلسات دول اشتغلت معاه تقليد حركات كبرى ربع ايدك و ارفع ايدك وسقف
وعلمته يمد ايده يسلم وقال اهلا بس مش بيضغط المخارج اوي
علمته تقليد اصوات بقا يقول بيب بيب و تووووت وكاااك و صوصو
بقا يقول اصوات أَاا و إِييي و أُووو
بااا و بييي و بوووو
ولَ و لي و لُ
وظفت صوت الباء ف كلمة باب وبقا يقول باب ويشاور عليه
واشتغلت على الحواس بقا يقول بوء بس لسه بيتعرف عليه
ويقول شعر مش واضحه اوي بس برده لسه بيعرفها على نفسه وعلى بازل
واشتغلت انه يعرف نفسه ويقول اناملحوظه كشف سمع قبل الجلسات والدكتور قال التهابات بسيطه مش عامله مشاكل وبياخد علاجها
عنده فطريات وحاجه شبه التهابات ف لسانه بس مامته بتقول كشفت عليه وهوا صغير والدكتور قال دا طبيعة لسانه كدا
هل كدا انا شغاله تمام ولا دا كمية كبيره عليه ولا الترتيب غلط
محتاجه تنصحوني لأن دي اول مره امسك حاله متأخره للدرجه دي لوحدي لو فيه اي تعديل او ترتيب للشغل ياريت تنصحوني او مهارات الطفل يشتغل عليها