السؤال: إزاي بيكون فيه علاقة بين اضطراب فرط الحركة وتشتت الانتباه (ADHD) والاكتئاب؟ 🤔

حبيت أوضح العلاقة دي بأسلوب بسيط. 😊

الناس فاكرة إن اللي عندهم ADHD دايمًا نشيطين و"هايبر" وحركتهم زيادة، فإزاي يبقوا مكتئبين؟ 🤔

اضطراب فرط الحركة وتشتت الانتباه مش معناه بس إن الشخص نشيط أو مش بيهدى. هو كمان 👈 اضطراب عصبي-نمائي بيأثر على طريقة عمل الدماغ، خصوصًا في:

* الانتباه
* التنظيم
* التحكم في الانفعالات
* اتخاذ القرارات

طيب، فين العلاقة بالاكتئاب؟ 👇

ناس كتير عندها ADHD بتواجه صعوبات يومية ممكن تؤدي لمشاعر سلبية متراكمة تؤدي للاكتئاب، زي:

* انهيار الدوبامين: الأشخاص اللي عندهم ADHD بيكون عندهم نقص في مادة الدوبامين (المسؤولة عن الشعور بالمكافأة والمتعة). نقص الدوبامين بيخلّي الشخص يحس بملل، عدم رضا، وعدم دافع… ودي نفس مشاعر الاكتئاب.
* خلل في الوظائف التنفيذية للمخ: الوظائف دي مسؤولة عن التخطيط، التنظيم، تذكّر المواعيد، والتركيز. فشل الشخص المستمر في أداء المهام بيخليه يحس إنه مش كفء وده بيأثر على نفسيته.
* صعوبة تنظيم المشاعر: الشخص مش بيعرف يتعامل مع التوتر، الحزن، أو الغضب فبينهار بسرعة.
* الشعور بالعزلة: لأن سلوكهم أحيانًا مش مفهوم من الناس، فكتير بيحسوا إنهم مش محبوبين أو منبوذين.
* الإحساس بعدم الكفاءة والفشل: خصوصًا في الدراسة أو الشغل أو العلاقات، وده يولد مشاعر جلد ذات واكتئاب.

يعني باختصار... مش كل اللي عنده ADHD بيكون "هايبر" طول الوقت. كتير منهم بيمر بمشاعر إحباط، حزن، قلق، واكتئاب… بسبب التحديات اليومية اللي بيواجهها، وده جزء طبيعي من طبيعة الاضطراب.