👶 ابني بيتهته.. أعمل إيه؟!

كتير من الأمهات بيقلقوا لما يلاحظوا إن طفلهم بيتهته أو بيتلعثم في الكلام، خصوصًا بعد ما يكون بدأ يتكلم كويس وفجأة بدأ يتعطل في الكلام.
التهتهة (أو التلعثم) ممكن تبقى طبيعية جدًا في سن من ٢ لـ ٥ سنين، وده بسبب إن مخ الطفل بيكون بيجهز الكلام أسرع من لسانه، فبيتلغبط وهو بيعبر.

📌 امتى نقلق؟
• لو التهته استمرت أكتر من ٦ شهور.
• لو الطفل بدأ يتوتر أو يمتنع عن الكلام.
• لو في تاريخ عائلي للتهتهة.
• لو التهته بدأت بعد سن المدرسة أو زادت مع الوقت.

📌 نعمل إيه؟
• ما تقاطعهوش وهو بيتكلم.
• متكملش الجملة عنه حتى لو بيتلخبط.
• اتكلم معاه بهدوء ومن غير استعجال.
• وفرله بيئة هادية ومفيهاش ضغط.

🧠 ولو التهته مستمرة أو بتزيد، يفضل نعرضه على أخصائي تخاطب علشان يتأكد إن مفيش سبب عضوي أو نفسي.