السلام عليكم ورحمة الله وبركاته

هتكلم انهاردة معاكم عن الحبسة الكلامية أو الديثارثيا
لسه فيه كتير من الاخصائيين مش قادرين يفرقوا بينها وبين الابراكسيا وان شاء الله هتكلم عنها في بوست تاني

الحبسة الكلامية (Dysarthria)

*التعريف:
الحبسة الكلامية هي الإسم الشامل لمجموعة أعطاب الكلام الناتجة عن خلل في التحكم العصبي لآلية الكلام وذلك بسبب اصابة فى الجهاز العصبى المركزى أو الطرفي تؤدى إلى خلل في العمليات الأساسية المسئولة عن الكلام

*انواع الحبسة الكلامية:

١- الحبسة الكلامية ( التشنجية ) : بط حركة اللسان والشفاه مع ثبات حدة الكلام ويكون الصوت مخنوفا مع زيادة في الرنين الأنفي وإدغام السواكن.

٢- الحبسة الرخوة :
ضعف وارتخاء وضمور النطق مع إدغام السواكن وظهور الخنف العضوي ويكون الصوت هوائيا.

- الحبسة الترنحية :
يتميز بعدم دقة الحركة وإدغام السواكن وتشويه المتحركات مع وقفات غير منتظمة وتشوه المتحركات وتطويل الأصوات.

الحبسة المختلطة :
تجمع بين الرخوة والتشنجية ويظهر الرنين الأنفي نتيجة لخلل في حركة الصمام اللهائي البلعومي.

مش هتكلم عن أسباب وتشيخص الديثارثيا لان أغلبها طبي وده مش اختصاصنا كأخصائيين

*التأهيل/

1-نطق السواكن بطريقة مفخمة .
السواكن هي كل الأصوات ماعدا المتحركات وهي( ا- و- ي)

2-نطق صوت ساكن مع متحرك
مثل( ما- طا-جا- دي- سي- كو .....

3-اضافة نفس الصوت في نهاية كل مقطع
مثل (مام- طاط-جاج- ديد.....

4-اضافة متحركات مختلفة متكررة
مثل(مومي-طاطي-جيجو-ديدا ....

5-نطق كلمات أحادية المقطع
مثل (فيل- نار -جول -حوت .....

6-نطق كلمات ثنائية المقطع بطريقة مفخمة
مثل (علبة- نحلة -شمعة.......

7-نطق كلمات ثلاثية المقطع او اكثر بطريقة مفخمة
مثل (طماطم- بنطلون - تليفون ....

8- نطق كلمات في جمل بطريقة مفخمة

*تعليمات وملحوظات أثناء الجلسات*
1 -لو عجز المريض عن نطق كلمات صعبة عليه قسم أو قطع الكلمة الي اجزاء

2- اضغط علي مخارج الاصوات عند نطقها

3- نغم ولحن الكلمات أو الجمل ( مش تتكلم علي وتيرة ثابتة)

4- لما تدخل على مرحلة نطق كلمات ثلاثية أو اكتر ومرحلة نطق كلمات في جمل حاول تنظم التنفس والنطق عن طريق النمذجة منك كأخصائي

5-كل ما كان سن المريض صغير ، وشدة الإصابة قليلة ، وعدم وجود أمراض تانية مصاحبة كان التأهيل أسهل وأسرع

6- لو لاحظت اني بقول كتير كلمة المريض اكتر من الطفل لأن أغلب الحالات عندهم حبسة كلامية من كبار السن و نادرا أما تلاقي اطفال و اغلب الأسباب بسبب حوادث او جلطات دماغية