الطفل من 5 إلى 7 سنوات لازم يكون اتعلم الأتى على الأقل :
.
١ - حفظ الحروف الأبجدية باللغه العربية والإنجليزية وكذلك الأعداد من ١ إلى ٢٠ باللغتين ..يقدر يكتبهم ويقرأهم ..ممكن فى البيت تستعين بفديوهات تعليمية على اليوتيوب وتجيب مكعبات عليها الحروف والأرقام وتعلمه من خلالها علمه باللعب مش بالورقة والقلم بس !
..
٢ - يتعلم الجمع والطرح من خلال معايشات حقيقية...يعنى هاتله ١٠ مكعبات وخليه يعدهم شيل منهم ٢ وقله كده يبقوا كام زود ١ كده يبقوا كام وكده لحد مايتعلم يجمع ويطرح كويس باللعب مش بالورقة والقلم
.
٣ - على الأقل يكون حافظ صور القرآن القصيرة ويحفظ آية الكرسى ويتدرب إنه يكررها دايما علمه بعض الأذكار زى مثلا دعاء الخروج من المنزل وقوله قدامه وأنت نازل كل مرة لحد ما يحفظه سمعه فيديوهات كرتون بتردد مايريد أن يحفظه يعنى بردوا حفظه باللعب !
.
٤- خليه يلعب الألعاب اللى فيها تفكير فى كتب وفيديوهات لألعاب كتير تنمى تفكيره هتلاقيها على النت واليوتيوب
.
٥- علمه أسماء الحيوانات من خلال الصور والفيديوهات واحكيلة قصص فيها معلومات عن حياة الحيوانات بياكلو إيه بيعيشوا فين أصواتهم ايه خليه يحب العلم من اللعب
.
٦- عرفه إسمه الرباعى وإسم والدته الثنائي وأسماء اخواته وحفظه عنوان سكنه بالتفصيل وفهمه إن لو حد سأله فى اى موقف ساكن فين يعرف يقوله بوضوح واعمل معاه مسرحيات تمثيلية يتعلم فيها الحاجات دى يعنى بردوا باللعب
.
٧ - خلى معظم وقته للعب حتى وأنت بتعلمه قوله يلا نلعب ماتقلوش يلا نتعلم او نذاكر قوله يلا نلعب بالحروف يلا نلعب بالارقام
الطفوله هى فترة اللعب اللى هتفرق كتير فى شخصيته !!
.
٨ - علمه اسم النبي صلى الله عليه وسلم وأسماء الأنبياء وخليه يتفرج على فديوهات على اليوتيوب عن حياة كل نبى واشرحله كانوا بيعملوا إيه من خلال أفلام كرتونية لعب بردو !
.
٩ - علمه إن اللى خلق الأشجار والأزهار والأنهار والبحار والسماء والأرض والإنسان والحيوان هو الله سبحانه وتعالى
قوله فين السماء ؟ هيشاور فوق / قوله مين خلقها ؟ ربنا
وهكذا لحد مالموضوع يرسخ فى دماغه اعمله مسابقة بجوائز فيها أسئلة من النوع ده على شكل لعب !
.