قولتلها روحي عضيها زي ما عضتك وبردو مرضيتش 😠
بنتي مسالمه وشخصيتها ضعيفة 😔

لا لا لا .. تعالي احكيلك عن سر الطفل المسالم دا 🫴

تعالو نتخيل فصل دراسي فيه طفلين بيتخانقوا علي عربية لعبه .. (العربية ملك الطفل الاول والطفل التاني اخدها منه غصب )

الطفل الاول اتضرب من الطفل التاني ورغم كدا مدافعش عن نفسه ولا اخد عربيته ولما سألناه ليه متخانقتش واخدت عربيتك ليه ... كان رده (عشان ميزعلش 😔)

هنا اول سبب كان " التعاطف العالي " انا بتألم لحزن الأخريين وبالتالي أنا مش هأذيهم عشان نفسيتي متتعبش 💔
واحيانا تلاقي اتنين اخوات.. واحد في المناقشات يضرب ولا يبالي بالآخر والتاني بيضرب بحذر ! عشان ميأذيش اخوه

طب وتاني سبب .. اصل لو اتخانقت معاه هيزعل ويجيب صحابو يزعلو وهنقعد في الهم دا كتير وهتبقي معركه يوميه ..
أنا هشتري راحه بالي ورضاه .. باني اسيبله حاجتي 🤷 واعيش في سلام 😔

الطفل دا حساس .. "طيب " مبيتحملش البيئه العدائية فترات طويله .. 🥹

طيب وبعدين هيفضل ضعيف كدا لأمتي ..

هو مش ضعيف .. هو عنده ميزه جميلة .. بتبان في الاول ضعف .. وهي الذكاء العاطفي .. ودا رمانه الميزان في العلاقات المتوازنه بعدين 🌹 بس من غير تدريب، ممكن يتحول لمصدر أذى لنفسه

هنا الطفل بيوازن داخليًا بين خسارة الشيء وبين الدخول في صراع مزعج نفسيًا. فبيختار السلام الداخلي حتى لو على حساب حقه. 😔
.
طيب نعمل إيه؟

نعلّمه الفرق بين "الأذى" و"الحدود"

ممكن تقولي له

"لما بتمنع حد يضربك أو ياخد حاجتك، انت مش بتأذيه، انت بتحمي نفسك، وده حقك."

نلعب سوا تمثيلية فيها حوار 🤝

"لو صاحبك خد لعبتك، ممكن تقول له (أنا بحب ألعب معاك، بس لازم تستأذن الأول وانا مش هسمحلك تأذيني)"

نربط التعاطف بالمنطق 🤌

" صاحبي زعلان، بس ده مش يبرر إنه يضربني .. من اخطأ عليه تحمل نتيجة أخطاءه )

نزرع مفهوم "أنا أستحق" من أهم الجمل اللي ممكن تتكرر على ودنه✊

"أنا استحق ألعب، أستحق أقول لأ، أستحق أكون آمن."

نعزّز سلوكه لما يدافع عن نفسه

"أنا فخورة بيك إنك وقفت وقلت رأيك 😍

طب والطفل العنيف اللي دايما عايش في صراع مع اللي حواليه 😔