تعالوا نثير الجدل شوية 🤔

السؤال اللي اختلفنا عليه: هل في صداقة بين الولد والبنت؟

أنا شايفة إن لو الطفل من صغره اتشبّع احتياجاته النفسية، زي الحب والاهتمام والطبطبة، حسّ أنه متشاف وبيُقدر وبيُسمع رأيه، لو أخد كل ده من البيت، عادي يكون في صداقة بينه وبين صحابه في الشغل أو المدرسة أو الجامعة.

لأنها علاقة إنسانية زي أي علاقة تانية، مبنية على الاحترام والتفاهم المتبادل. بس طبيعة العلاقة دي بتعتمد على عوامل كتيرة، زي البيئة الثقافية والتربية والحدود اللي بيضعها الطرفين.

اشبعوا ولادكم من صغرهم حب وحنية واهتمام، علشان لما يدخلوا علاقة صداقة يبقى داخلينها علشان الصداقة، مش علشان يشبعوا حاجات ما اتشبعتش. وكمان لو اشبعناهم من صغرهم هنقلل مشاكل كتيرة، خصوصًا اللي بتحصل في فترة المراهقة.

اللي عايزاه أقوله: الأساس أهم حاجة، لو أساسنا صح وهي الطفولة، يبقى كل حاجة هتبقى تمام 👍