تعديل السلوك
تعديل سلوك!!! انا معرفش غير تعديل سلوك واحد بستخدمه مع ابنى ياااما ازعق او اضرب او اعقاب عشان ميكررش الحاجه دى تانى !!

بس دا مش تعديل سلوك دا عقاب

اومال يعنى اى تعديل سلوك

تعديل السلوك حاجه بسيطه انى استبدل سلوكيات مش مرغوبه بسلوكيات مرغوبه او بشكل ابسط سلوك سلبى بسلوك ايجابى

ايوة ودا اعمله ازاى يعنى؟!

قبل مااعرف اى فنيات تعديل السلوك فى شوية حاجات كده لازم ارعيها فى تعديل السلوك

: ان فى فروق فرديه بين كل طفل والتانى مافيش خطه تعديل سلوك ثابته وينفع اطبقها مع اى طفل
: لازم الاسرة تشارك مع الاخصائي خطه تعديل السلوك والا كل الى بيعمله هيبقا ملوش لازمه
: مافيش سلوك بيتعدل فى يوم وليله تعديل السلوك بياخد وقت وكل طفل وسرعة استجابته
: الاخصائي مش ساحر يعنى لو الطفل متجنبش البيئه الى بيكتسب منها السلوكيات السلبيه للاسف مافيش اى نتيجه ايجابيه هتظهر

طيب ايه الحاجات الى محتاجه اعملها قبل مابدء فى تعديل السلوك

: اعرف ايه السلوك الى محتاجه اغيره بالظبط
: اعرف ايه سبب السلوك
: اعرف الى الاساليب الى ممكن استخدمها لتعديل السلوك الى محتاجه اعدله
: احط خطه لتعديل السلوك وانفذها
: ومن وقت للتانى محتاج تعمل تقييم عشان تعرف فعلا حصل تعديل فالسلوك ولالا
:اعرف المعززات الى بيحبها الطفل وبتجيب نتيجه معاه

فنيات تعديل السلوك
: التعزيز( سلبى وايجابى)
العقاب ( والعقاب هنا مش مقصود بيه تعنيف خالص لا بالضرب والا بالصوت العالى المقصود بيه انى احرمه من حاجه بيحبها اذا صدر منه سلوك سلبى)
: الاطفاء
: التشكيل
: النمذجه
( وكل الفنيات هتلاقى شرح مفسر ليها هنا فى سوبر اخصائي)