طفل عمره سنتين عصبي: سلوك عدواني وعض اليد - نصائح للآباء

وعليكم السلام ورحمة الله وبركاته.

حاجة طبيعية إنك تتضايقي من تصرفات ابنك، خصوصًا إن كان عنده سنتين وعصبي وبيعمل كده. عضّ إيده جامد مرتين من غير ما يحس بالألم ده ممكن يدل على حاجات كتيرة، أهمها:

- مستوى تحمل الألم: أطفال كتير عندهم تحمل للألم أعلى من غيرهم، فممكن يكون الألم مش ظاهر عليه قوي.
- التركيز على حاجة تانية: لما يكون الطفل عصبي جدًا، ممكن ما يحسش بالألم عشان تركيزه كله على انفعاله.
- حالة نفسية: التوتر والقلق الشديدين ممكن يخففوا من الإحساس بالألم مؤقتًا.

لكن طبعًا، مهم جدًا تراقبي تصرفاته كويس وتروحي لدكتور أطفال لو لاحظتي أي حاجة غريبة تانية. الضرب مش حل، وحاولي تتعلمي أساليب تربية إيجابية للتعامل مع العصبية الزائدة عند الأطفال الصغيرين، زي التجاهل المٌخطط له (إهمال السلوك السلبي) وإعطائه اهتمام إيجابي لما يعمل تصرف كويس. في كتير قنوات يوتيوب ومواقع بتقدم نصائح في التربية الإيجابية، ابحثي عنها وهتلاقي كتير مفيد. الهدف هو تعليم الطفل التعبير عن مشاعره بطريقة صح، مش التحكم فيها بالقوة. ربنا يهديه ويكرمك.

وعليكم السلام ورحمة الله وبركاته..
حابب اوضح لحضرتك انه مهماا اتعصبتي وضربتي هو هينفعل اكتر وهيكرر السلوك ده وكمان ممكن يكوون الطفل حاسس بؤلم في جسمه فبيعض جزء معين علشان يجمع الالم في منطقه واحدة بس فبردو غصب عنه هو مش فاهم بيعمل اي.. هو حته لو مش فاهم بس اتكلمي معاه وقوليله كده غلط ولما يعض نفسه امسكيه واحضنيه حولي تهديه حاتيله حاجة بيحبهاا وقوليله لو هديت هجبهالك هو هيكون مش فاهم بس حولي معااه وتديله الي بيحبه وممكن معاه تجربي اسلووب انك تحطي ادامه طفل او شخص يكون هادي وتديله حاجة حلوه وتقولي شووف هو شاطر وساكت اذاي فاخد حاجة حلوه لو بقيت شاطر هتاخد ذيه وهكذاا اشتغلي معااه وحولي مره واتنين وتلاته واتعلمي انتي وعلجي الطفل لو المشكله ذادت ممكن تعرضيه علي دكتوور وبردو تعرضيه علي دكتوور يمكن ذي مقولت في الاول ممكن يكون عنده مشكله ومش عارف يعبر فبيعمل كده علشان الالم يجمع في نقطه واحدة ولو الدكتور قال لا هو كويس يبقا ارجعي لكلامي واستخدمي الاسلوب ده معااه وكتري من التجاهل الي هو ممكن بيعمل كده يلفت انتباهك فلما يلائيكي متجاهله الموضوع هيسكت