تعاون الأهل وأخصائي التخاطب: دليل شامل لمساعدة طفلك

تخيل لو أنت والاخصائي بتاع ابنك ايد واحدة هيحصل أي ؟🤔

💥أخصائي التخاطب بيكون عنده الخبرة والمعرفة، لكن أنت عارف ابنك كويس أوي، عارف طباعه، عارف إيه اللي بيحبه وإيه اللي بيضايقه. لما التنين تشتغلوا مع بعض، هتقدروا توصلوا لأفضل نتيجة.

إزاي تساعد ابنك في البيت؟🤔

✅طبق اللي بتتعلمه: أخصائي التخاطب هيقولك على تمارين بسيطة تعملها مع ابنك في البيت، حاول تعملها بانتظام وبشكل ممتع.
✅كلم ابنك كتير: كل ما تكلم ابنك أكتر، كل ما هيساعده يتعلم كلمات جديدة وبناء جمل.
✅قري له قصص: القراءة بتوسع مفردات الطفل وبتخليه يحب اللغة.
✅شجعه على الكلام: حتى لو الكلام مش كامل، شجع ابنك على المحاولة. كل كلمة بيقولها هي خطوة للأمام.
✅خلق جو من المرح: خلي جلسات التدريب ممتعة ومليانة ألعاب، عشان ابنك يحبها ويتطلع ليها.

دور الأهل مش بس في البيت👌

✅دور الأهل مش بيقتصر على البيت بس، ده كمان بيكون ليهم دور مهم في العيادات. لما تحضر مع ابنك جلسات التخاطب، هتفهم أكتر إزاي تساعده، وهتقدر تسأل أخصائي التخاطب عن أي حاجة مش فاهمها.

✅أنت لما تكون واثق في قدرة ابنك على التعلم والتطور، هيحس بالثقة دي و هيحاول بجد. لو حس إنك قلقان أو متوتر، هيأثر عليه بالسلب.

✅أنت أهم شخص في حياة ابنك، ودعمك له هو اللي هيخليه يتخطى أي صعوبة. تذكر، الصبر والمثابرة هما مفتاح النجاح. لما تشتغل مع أخصائي التخاطب كفريق واحد، هتشوف ابنك بيتحسن يوم بعد يوم.