لو ابنك بين عمر السنة والسنتين... ده أكتر عمر يتعلم فيه.. العمر ده بيتعلم فيه أكثر مما تتخيل..
يتعلم فيه كل شيء... كل شيء.

بس قبل ما نبدأ لازم نعرف ان فيه إختلافات بين الأطفال وبعض،، يعني ممكن طفل يعرف حاجة عند سنة وطفل تاني يعرفها عند سنة ونص..

طيب إيه المطلوب نعلمهم في العمر ده!!

1❤ الكلمات الجديدة..
السنة الثانية من العمر هي سنة إنطلاق اللغة... لازم تبدأ تعرفه اللغه زي...

👈 أسماء أجزاء الجسم|
وأسئلة فين عينك.. فين مناخيرك... فين خدودك!!

👈 أصوات الحيوانات|

👈 أسماء الأقارب والأجداد|

👈 الآداب العامة|
زي شكراً / أهلاً وسهلاً / سلام..

👈 السيارات والمدرسة والشجرة|
الأشياء اللي بيستخدمها بحياته اليومية زي الملعقه والطبق والخبز..

👈 الألوان|
و لا ننسى التكرار.. التكرار.. التكرار كل ما تكرر اكثر كل ما يتعلم اكثر...

2❤ قراءه الكتب..
من أكثر الأشياء اللي بتحفز الطفل علي التعلم هي الكتب
مش لازم تقرأ الكلمات كلمة كلمة..
بس احكي قصة من الصور في الكتاب اللي قدامك..

3❤ اوصف اللي هو بيعمله !!
يعني اوصف اللي هو بيعمله وبالالوان
يعني مثلا انت بتشرب ميه بالكوب الأخضر

4❤ علمهم الإستقلال بالأكل.. بالشرب بكل شيء
علموهم على طعام الاصابع عشان ياكلوا لوحدهم

❤علمه مثلا ازاي يطلع السلم
خليه يفتح الدولاب ويتعلم

❤الخروج خارج البيت مفيد جدا
بس مش هتبقى مفيده لو معاه تليفون
لو في ايده تليفون خليك بالبيت احسن
وعلمه في الطريق ...
يعني هذه شجرة..
هذه سيارة..
هذا رجل المرور..
احنا نلتزم باشارات المرور ومنرميش حاجة في الشارع.. وهكذا..

❤ المكعبات
من اقدم الطرق اللي تساعد الطفل على التعلم هي المكعبات... بتعلم الطفل الحجم والشكل واللون..

❤ العب مع طفلك..
ابعد موبايلك والعب مع طفلك ٢٠ دقيقة يوميا
احنا غلطانين بعدم اعطائهم الوقت للعب معاهم...

معا لصحة افضل لأطفالنا