مساء الخير ي عزيزي ويا عزيزتى يارب تكون بخير✨❤

_ هنتكلم النهارده عن حاجه مهمه جدا، واهميتها لا تقل شيئا عن حديثنا عن التوحد والاضطرابات اللي ليها علاقه بيه وحديثنا النهارده هيكون جديد شوي وهيكون مستمر معانا لفتره مش كبيره ومش صغيره بردو، حديثنا هيكون عن Sensory processing disorder او اضطراب المعالجه الحسيه.

_في البدايه لازم نعرف يعني اي اضطراب المعالجه الحسيه ويعني اي Sensory integration او التكامل حسي، ودي عباره عن عمليه تنظيم المثيرات الخارجيه اللي في البيئه ودخولها الي المخ عن طريق الحواس اللي عندنا، واي خلل في الحواس دي بيترتب عليه مشكله الاضطرابات الحسيه.

_قبل الدخول في تفاصيل عن الحواس وانواعها وتصنيفها هنتكلم عن ضرور سلامه الجهاز الحسي بكل اجهزته لاتمام عمليه التأهيل وعمليه التعليم اللي مش ممكن ابدا يكملوا معايا الا بسلامه الجهاز الحسي بكامل اعضائه واللي اي خلل فيه بيسبب مشاكل كتير عندي في الناحيه الاستيعابيه والادراكيه وكمان الناحيه التأهيليه، لان معظم المشكلات اللس بتقابلني سواء صعوبات التعلم او التوحد او حتي التخاطب ممكن يكون السبب اللي ورا ده هو مشكله في النظام الحسي فبالتالي كان لازم نتكلم عن اهميه ال Sensory processing او المعالجه الحسيه زي ما اتعودنا نتكلم كل فتره عن المهم في مجال التربيه الخاصه.

_📢 ولازم يكون عندي فكره ان التكامل الحسي مش مخصوص لفئه معينه سواء توحد او تخاطب او اضطرابات ذهنيه او صعوبات تعلم فقط، لا انا عندي التكامل الحسي بيدخل في كل دول يعني بستخدمه مع كل الفئات دي بشكل اساسي وبيلبي كل متطلبات الفئات باختلاف انواعها.

_📢كمان ان التكامل الحسي مش اي حد يستخدمه ولا اي حد يمارسه ده بيحتاح ممارس علاج وظيفي متخصص من كليه العلاج الوظيفي متخصص ف التكامل الحسي وللاسف ده مش متوفر في مصر ف متمشيش ورا حد يقولك انا بدي شهادات معتمده او او او وهديك االمسمي الوظيفي بتاع التكامل الحسي، كل اللي موجود عندنا ممارسه عمليه ليس الا.

_ بيئه التكامل الحسي مختلفه شويتين عن البيئه العاديه للشغل في المراكز او المدارس لانه بيحتاج غرفه خاصه بيطلق عليها غرفه التكامل الحسي او Sensory room وده هنرجعله بعدين لما نتكلم عن مكونات الغرفه الحسيه واهميه كل اداه او جهاز فيها ان كان في العمر بقيه.

⬅️ نيجي بقا لاكتر حاجه مهمه لازم يكون عندك علم بيها الا وهي اي مظاهر القصور الحسي عند الطفل او الشخص المصاب باضطراب حسي ودي هنتكلم فيها عن نقطتين مهمين جدا ولازم ناخد بالنا منهم:

1» الافراط في الحاسه Sensory overload

_ وده بيكون عندي حساسيه عاليه جدا تجاه المثيرات والامثله علي ده كتير زي:
_ طفل بيعاني من الاضواء بشكل مبالغ فيه (حاسه بصريه مفرطه)
_طفل مبيحبش حد يلمسه (حاسه لمسيه مفرطه)
_طفل مبيحبش روائح معينه( حاسه شميه مفرطه) .. الخ

2» النقص الحسي Sensory deficiency

_وده بيكون عباره عن نقص او انخفاض القدره الحسيه لدرجه ممكن تسببلي مشكلات تؤذي بحياه الطفل زي النقص في حاسه اللمس والامثله كتير بردو:

_طفل لا يشعر بالالم نتيجه تعرضه لشيء ساخن مثلا لدرجه قد تؤذيه (حاسه لمسه منخفضه)

_طفل يضع اضواء الهاتف قريبه من عينه (حاسه بصريه منخفضه)

_طفل يكثر من شم اي روائح في بيئته» يشم فيك انت ك اخصائي شغال معاه ( حاسه شميه منخفضه)

_والامثله كتير علي المشاكل الحسيه بس عشان مطولش عليك بقولك الخلفيه اللي تساعدك في قرارك ان الطفل بيعاني مشكله حسيه، ولسه لما نكمل مع بعض هتقدر تعرف مشكلات اكتر بالنسبه للطفل تساعدك في انك تتعامل معاه.

⬅️ اي هي الحواس اللي انا بتعامل معاها في مجال المعالجه الحسيه؟!

_زيك زيي قبل ما اعرف هقول ان الحواس عندي مش بتطلع بره الحواس العاديه اللي كلنا عارفينها وهي:
⬅️ اللمس
⬅️ الشم
⬅️التذوق
⬅️البصر
⬅️السمع

_لكن مجال المعالجه الحسيه بيشمل معانا 1️⃣0️⃣ حواس هنتكلم عنهم بالتفصيل مره تاني باذن الله، منهم:

⬅️الحس الداخلي
⬅️الحس العميق
⬅️الحس الدهليزي
⬅️ التلامس
⬅️؟؟؟؟؟؟
هنتكلم عنهم بالتفصيل باذن الله في مره تانيه ❤