اخصائيين كتير سألوني ايه المقاييس اللي بتستخدمها في تشخيص صعوبات التعلم المحددة.. ؟

في عندنا مقاييس واختبارات وبطاريات كتير زي مايكل بست و الينوي و الفرز العصبي السريع و بطارية لوريا وبطارية الدكتور فتحي الزيات التقديرية لتشخيص صعوبات التعلم وفي كمان منظومة التقييم المعرفي المشهور باسم الكاس CAS (المفروض إنه ملهوش علاقة بصعوبات التعلم بس في ناس بتستخدمه)

في الحقيقة كل المقاييس والبطاريات دي معدش لها لازمة في تشخيص صعوبات التعلم المحددة من أي اتجاه ليه بقى !!؟
تعالي نراجع مع بعض تشخيص صعوبات التعلم ببساطة حسب DSM-V TR :-
- قصور في المهارات الأكاديمية الـ 6 اللي انتم عارفينها
- مستوى الحالة مش ماشي مع التحصيل المتوقع منه أو عمره الزمني
- بنبدأ نشخص خلال سن المدرسة مش قبل كده
- ميكونش نتيجة لأي اضطرابات واعاقات تانية

تشخيص صعوبات التعلم المحددة حالياً مش معتمد على أي مقياس إنما معتمد على استجابة الحالة خلال مدة 6 شهور + تدخلك السليم والملائم يعني من الآخر مفيش مقياس أو أداء بتشخص صعوبات التعلم المحددة التشخيص قائم على شغلك واستجابة الطفل معاك وأي حد بيستخدم مقياس ويشخص بناءاً عليه فهو ماشي غلط

مايكل بست أو الينوي وغيرهم بيدوك مؤشرات نمائية لكن مش مشاكل اكاديمية ، المقاييس بتديني خصائص المشكلة مش الأداء الأكاديمي الفعلي علي أرض الواقع

طب واختبار الذكاء يا محمد ؟!
اختبار الذكاء استخدامه في مجال صعوبات التعلم انه فقط وظيفته بيخرج الطفل من فئة الإعاقة العقلية وكمان لو هتستخدمه علشان تطلع نقاط ضعف ففي مقاييس تانية تخص صعوبات التعلم افضل منه
اشتغل بفهم 🫡