عارفين لي ولادنا بيعاندوا معانا؟ 🤔

1-عشان ف أول 3 سنين من عمر الطفل بنقول لا على اي حاجة من غير ما نفهم هم عاوزين إيه!

2-اللي أحنا مش عارفينه أن الطفل كلمة لا عنده شئ عادي ف عمره دا، عشان من متطلبات عملية النمو النفسي، وهو عاوز يشعر بالأستقلالية.

تعالوا بقا أقولكم شوية حاجات تعلمها:

1-مينفعش تدي الطفل أوامر مباشرة. ازاي؟
تخيره بين حاجتين وتقوله تحب تروق أوضتك دلوقتى، ولا بعد ما تأكل؟

2-أتاكد أن الخيارين مرغوبين، مينفعش واحد يكون مرغوب، وواحد لا.

"مينفعش أقوله تروق الأوضة، ولا تلعب بالتليفون؟"
أكيد عارفين هيختار إيه؟ 😂

3-أسمح للطفل يكون له رأي، مثلا اسأله اي أحسن طريقة عشان تنضيف أوضتك؟

4-أشكره لو عمل حاجة صح، ممكن نقوله شاطر، برافو، ممتاز. أو نديله حاجة بيحبها.

5-بلاش بلاش نستخدم كلمات تحذير، أو تهديد، أو أسلوب أمر.

6-أما يطلب طلب، بلاش نقف قدامه، ونقوله لا هيزداد ف العناد أكتر، نقولع هفكر ف طلبك، وبعدين نغير الموضوع حتي يهادئ شوية، وبعدين أخد رأيه ف موضوع يشبه موضوعه. واسأله عن رأيه، وبعدين افهمه بكلمات بسيطة ومفهومة عيوب الموضوع دا.

7-لازم يسمعك، وأنت بتقول نعم سواء من الأم للأب، أو من الأب للأم.

علموا أولادكم المشورة والأخذ بالرأي، والرأي الأخر ما لم يضر.🩷