😁😁 مرحلة العض والضرب والصفع في الأطفال 😊😊

📌 كل أم عندها طفل عمره بين سنة ونص وثلاث سنين، أكيد تعرف المرحلة دي كويس! 🤔🤔

📌 فجأة ومن غير مقدمات، الطفل يصفع الأم أو الأب أو طفل تاني! فجأة يشد شعرك! فجأة يعض ويقرص! فجأة تلاقي إيديه الصغيرة بتضربك ضرب مؤلم جدًا! 😪😪

📌 دي مرحلة بيمر بيها كل الأطفال، والأمهات والآباء بيشتكوا منها كتير 👌👌

📌 أسباب مرحلة العض والصفع 👈👈

* فيه سببين أساسيين للمرحلة دي:
* الأول: الاهتمام.
* الثاني: التعبير.

💥 الطفل اللي عنده أقل من ثلاث سنين، بيكون أناني جدًا؛ هو محور الكون، والكل لازم يخدمه ويهتم بيه ويلبي طلباته 👌👌

💥 في السن ده، الطفل مش بيفهم إن فلان تعبان أو مشغول أو بيشتغل أو بيرتاح أو حزين، أو أي مشاعر إنسانية طبيعية تانية. ممكن يشوف أمه حزينة... هيفهم إنها حزينة، بس مش هيعرف إزاي يسيبها في حالها، أو يلعب بعيد عنها، أو يراعي مشاعرها، لأنه ببساطة هيصر على حقه في الاهتمام واللعب والتسلية... هيصفعها عشان تبص له! 😭😭

💥 بالنسبة لقدرة الطفل على التعبير في المرحلة دي:
دي بتكون محدودة جدًا! معظم الأطفال مابيتكلموش في عمر سنة ونص، واللي بيتكلم شوية في عمر السنتين، مش بيقدر يستخدم كلامه عشان يعبر عن نفسه 👌👌
* إزاي يقول لأمه "بصيلي والعبِ معايا"؟ يضربها!
* إزاي يقول لأبوه "لو سمحت سيب الموبايل وكلمني"؟ يصفعه!
* إزاي يقول لجده "أنا مبسوط أوي بزيارتك، يلا نلعب"؟ يعضه!
* إزاي يقول لطفل تاني "دي لعبتي، ماتخدهاش"؟ يصفعه ويعضه!
وهكذا بيعبر الطفل في مرحلة ما قبل الكلام عن نفسه 👌

📌 طيب، إيه اللي نعمله عشان نعدي المرحلة دي بسلام؟ 🤔🤔

✅ افهمي دوافع طفلك، وتجنبي إنك تثيريه! متتجاهلهوش، ومتنشغليش بغيره. ولو اضطريتي تبصي في الموبايل، استأذني منه واشرحي له الأسباب لو كان سنه يسمح 👌👌

✅ ساعدي طفلك بالكلام. قوليله إنك فاهمة إنه زعلان، واسأليه "أنت زعلان لأني سبتك؟" أو "أنت زهقان؟" أو "عايز نلعب سوا؟" 🙏🙏

✅ الحقِ البلاء قبل ما يحصل؛ امسكي إيده قبل ما تضربك أو تصفعك، وقولي للطفل إن الضرب ممنوع، وبعدين بوسيه 😍😍

✅ متسيبيش الأطفال يلعبوا لوحدهم من غير إشراف! لو طفلك بيتكلم، هيضرب اللي مابيتكلمش، ولو طفلك مابيتكلمش، هيضرب الكل 🙏🙏

✅ متضربيهوش! إزاي تعلميه مَايضربش وأنتِ مثله الأعلى في الضرب؟ 🤔🤔

✅ ظروف الموقف... الطفل الجعان أو التعبان أو النعسان أو اللي بيتألم، بيكون أكتر عرضة لنوبات الضرب والصفع والعض 👌👌

✅ امنعي السكريات والحلويات وكل حاجة فيها مواد حافظة! المنتجات دي ومكوناتها بتأثر على كيميا المخ مباشرة، وبتخلي الطفل يفقد السيطرة على نفسه 🙏

✅ راجعي اللي بيشوفه الطفل من خلال الشاشات حواليه؛ الإعلانات والمسلسلات والبرامج الإخبارية مش مناسبة للأطفال 👌👌

✅ افتكري إن الطفل اللي عنده أقل من سنتين، المفروض ميتعرضش للشاشات 📺 📱 خالص، والحد الأقصى للطفل بعد السنتين هو ساعة متفرقة 🙏🙏

بعض المعلومات منقولة للأمانة*

#اخصائية علا فتحى