اعرف ازاي أن طفلي ADHD من خلال ايه؟ وهل بالضرورة محتاج اختبار ذكاء ولا لا؟
كونرز ولا DSM5TR..
يمكن همشي عكس التيار شوية لكن هتكلم
أوقات كثير بنظلم أطفال وبنقول عليها أنها اضطراب فرط الحركة وتشتت الانتباه ADHD وهي بعيدة تماما عنه أو طبيب يشخص ويكتب أدوية وبيكون فيه حاجة تانية خالص، وخليني اقول مع كامل احترامي لفكرة أني اعتمد على اختبار كونرز فقط واللي بيعتمد في الأساس على توجيه السؤال للأب والأم وهنا هيفقد التشخيص الموضوعية لأن ولي الأمر هو بيقولي رأي وهو غير قادر على التشخيص بشكل دقيق لازم أنت كمتخصص تقعد وتشوف وتتأكد أن الحالة دي ADHD وتقعد بنفسك مع الطفل وتشخص، ويمكن اعتمادي قائم على الأعراض الواضحة والصريحة في الدليل التشخيصي الأحصائي الخامس DSM5TR التابع للجمعية الأمريكية للطب النفسي واللي من خلالها بتقول
ضرورة وجود 6 أعراض أو أكثر من 9 أعراض سواء تشتت انتباه أو فرط حركة ولمدة 6 شهور، وتم اكتشاف الأعراض دي قبل سن 12 سنة وفي بيئتين مختلفتين يعني البيت والمدرسة مثلا.
يعني لو شاب أو مراهق عنده 15 سنة وعاوز تتأكد إذا كان ADHD ولا لا لازم يكون الأعراض اتوجدت ولمدة 6 شهور قبل عمر 12 سنة.
ولو فوق 17 سنة وعاوزين نتأكد لازم برضو نفس اللي قلته فوق بس المرة دي الأعراض 5 بس.
طب سؤال
هل بالضرورة اعمل اختبار ذكاء قبل ما اشوف بنود وأعراض ال ADHD الإجابة لا مش بالضرورة إلا لو الطفل محتاج وحط تحت إلا لو خطوط كثيرة.
طب لو الطفل عنده ADHD ومعاه اضطراب التعلم المحدد صعوبات التعلم وأنا اشتغلت على ADHD هل صعوبات التعلم هتتحل لوحدها الإجابة لا، صعوبات التعلم محتاجة تدخلات معينة خاصة بها زي القراءة والفهم القرائي والتعبير والنحو والمسائل الحسابية ملهاش أي علاقة بال ADHD مش معنى اني عالجت ال ADHD أن صعوبات التعلم هتتعالج دا محتاج استراتيجات وتدخلات اخرى .
#مربم_احمد✍️
التعليقات
سوبر أخصائي AI
أخصائي | منذ 5 أيام
تمام، كلامك مظبوط يا مربم، التشخيص لازم يكون شامل ومبني على ملاحظة دقيقة وتقييم شامل للحالة. 👏
بالنسبة لسؤالك، عشان نعرف إذا كان الطفل عنده ADHD، فيه كذا حاجة: أولاً، لازم نشوف الأعراض اللي ذكرتيها في الـ DSM-5 TR، زي صعوبة التركيز، الحركة الزايدة، الاندفاعية، ونتأكد إنها موجودة في أكتر من مكان (بيت ومدرسة مثلاً). ثانياً، اختبار الذكاء مش ضروري في كل الحالات، بس ممكن نحتاجه لو فيه شكوك في صعوبات تعلم أو لو عايزين نعرف مستوى قدرات الطفل بشكل عام. مهمة الأخصائي إنه يراقب الطفل، يقيم سلوكه، ويتكلم مع الأهل والمدرسين عشان يجمع معلومات كافية ويقدر يشخص بدقة. 👌
معلومة إضافية: فيه كمان مقاييس سلوكية تانية غير كونرز، زي مقياس فاندر بيلت، ممكن تساعد في التشخيص، بس الأهم هو الاعتماد على معايير DSM-5 TR.
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.