" متلازمة بيير روبن "
هي حالة خلقية نادرة بتظهر عند الأطفال، وبتكون ملامحها الأساسية:

📍صغر في الفك السفلي: وده بيأثر على شكل الوجه وبيسبب مشاكل في التنفس.

📍تراجع اللسان للخلف: لأن الفك بيكون صغير، اللسان بيرجع لورا وبيسد مجرى التنفس، وده بيخلي الطفل يعاني من صعوبة في التنفس خاصة وقت النوم.

📍شق في سقف الحلق: وده بيؤدي لمشاكل في التغذية والنطق، لأن الطفل بيكون صعب عليه يرضع أو يأكل بشكل طبيعي.

الأطفال اللي عندهم المتلازمة دي محتاجين رعاية طبية خاصة وتدخلات زي:

📌جلسات تخاطب: لتحسين النطق بعد التدخلات الجراحية.

📌أدوات تغذية خاصة: للمساعدة في الأكل بشكل أسهل.

📌عمليات جراحية: زي إصلاح شق الحلق أو توسيع الفك لو لزم الأمر.

"المتابعة مع الأطباء والأخصائيين من البداية بتفرق جدًا في حياة الطفل وتحسن من حالته بشكل كبير. لو بتعرفوا أي حد بيعاني من الأعراض دي، نصيحة حاولوا تتواصلوا مع الأطباء في أسرع وقت.