ازاي تدير جلسة تخاطب!!

∆ لازم تجهز كل ادواتك والمعززات الخاصه للطفل وخليهم بعيد عن الطفل وعن انتباهه ع ميتشتش منك
∆ لازم يكون موقعك الجسدي مناسب للطفل بحيث تقدر تتواصل معاه وتسيطر عليه بشكل مناسب
∆ اشرح للطفل القواعد اللى انت طالب منه انه يلتزم بيها (النقطه دي بترجع للقدرات العقليه للطفل اللى معاك )
∆ لازم تبدأ الجلسه بنشاط محبب للطفل ع يلفت انتباهه ليك وتحفزه بشكل اكبر للجلسه معاك
∆ هتوضح للطفل انك بدأت النشاط بعبارة واضحه
∆ لازم تتواصل بشكل مباشر بعيون الطفل اثناء التفاعل معاه وتتأكد من تواصل الطفل البصري معاك
∆ غير فى نبرات صوتك وياريت تستخدم اسلوب بسيط ومرح عشان تجذب انتباهه ويفضل مركز معاك
∆ خلي ادوات النشاط اللى خلصته او اللي لسه هتبدأ فيه بعيد عن الطفل
∆ عزز الطفل على الاداء الصح وشجعه عشان يتفاعل معاك
∆ خلي الطفل يحس من تعبيرات وجهك ونبرات صوتك انك انت اللى بتدير الجلسه وف نفس الوقت اديله قدر ملائم من حريته
∆ انهي النشاط لو حسيت ان الطفل مل او اتشتت او مبقاش متحمس للنشاط وعرفه انك نهيت النشاط ده وممكن تدخل فى نشاط جديد من اختياره
∆ و اخيرا حاول تختم الجلسه بشكل لطيف ويكون فى مثير جديد (نشاط او اداه جديده عليه ) لتحفيزه للجلسه اللى بعدها