أهمية التكامل الحسي للأطفال: كيف يساعد على التركيز والسلوك والمهارات؟
التكامل الحسي هو قدرة المخ على تنظيم وترتيب المعلومات اللي بتوصل من الحواس (زي السمع، الشم، البصر، التذوق، اللمس، والتوازن) علشان الجسم يتصرف بطريقة مناسبة.

أهميته:

1. التركيز والانتباه:
لو الطفل مش مرتاح حسيًا، مش هيقدر يركز أو يتفاعل.


2. اللغة والتخاطب:
التكامل الحسي بيساعد الطفل يكون جاهز لجلسات التخاطب، لأن الحواس بتكون متزنة.


3. السلوك:
مشاكل حسية ممكن تخلي الطفل يرفض اللمس، الصوت العالي، أو اللبس، وده يبان في سلوكيات زي العياط أو العنف.


4. المهارات الحركية والتفاعل:
بيساعد الطفل يعرف يوازن جسمه، يمسك القلم، أو يشارك في اللعب.




---

تمارين التكامل الحسي (حسب كل حالة):

1. القفز على الترامبولين
بيقوي التوازن والإحساس بالجسم.


2. الزحف والتسلق
بيساعد على تنظيم الحركات الكبيرة ويهدي الطفل.


3. اللعب بالعجين أو الرمل
بيدرب حاسة اللمس ويقلل الحساسية الزايدة.


4. اللف في بطانية أو ضغط خفيف
بيدي إحساس بالأمان وبيساعد الطفل يهدا.


5. المشي على أرضيات مختلفة
زي سجادة، بلاط، رمل، علشان يفرق بين الإحساسات.

7. ألعاب النفخ
زي فقاقيع الصابون أو الشاليمو، بتهدي الطفل وتنظم النفس.