كام نقطه مهمه كدا لو ابنك هتوديه جلسات تخاطب ؟؟


١/ حضرتك لو ابنك جاي مش بيتكلم خالص لازم تعرفي ان اللغه حاجتين
أ-لغه استقباليه يعني (الفهم) يعني الطفل فاهم انا بقوله ايه هات قلم✏️ يديني قلم طب هات كوبايه 🥃يديني كوبايه كدا الطفل فاهم

ب- لغه تعبيريه (التعبير/ الكلام)🗣️ يعني اقوله دا اسمه ايه ✏️ يقولي قلم

لو ابنك او ابنتك مش فاهم اصلا فهو مستحيل يعرف يعبر او يتكلم لذلك لازم نبدأ لغه استقباليه الاول فمتجيش حضرتك تقولي انا عاوزاه يتكلم وهو مش فاهم اصلا لان كدا هيتكلم وهو مش فاهم يبقي بنحفظه ونعمله مشكله اكبر من اللي عنده اللي هي (الايكولاليا) يعني الترديد الكلامي

٢/ حضرتك لو مش هتمشي معايا كل جلسه وتعمل كل حاجه بقول عليها يبقي تقعد في البيت احسن☺️

٣/ بدي لكل ام حقها وبزياده ومش بقصر مع طفلك يبقي متقصريش في شغلك💁‍♀️

٤/ الام عليها ٧٠ ٪ من الشغل والاخصائي ٣٠ ٪ الطفل قاعد معايا نص ساعه ولا ساعه في اليوم هو قاعد معاكي بقيت ال ٢٤ ساعه☺️

٥/ لو كبرتي دماغك ومشتغلتش ابنك مش هيجيب استجابه كويسه حتي لو الأخصائي عمل اكتر من المطلوب منه🤗

٦/ متحكميش علي الأخصائي من جلستين تلاته وابنك اصلا عنده مشاكل كتير وانتي غير ملتزمه بالتعليمات

٧/ الدكتور بيكتبلك الدوا بس مش بيجي يديهولك في البيت يعني متقوليش انا كشفت بس مخفتش مهو حضرتك ماخدتيش الدوا مستنيا تخفي ازاي👩‍⚕️

٨/في نهايه كل جلسه بقولك لو فيه اي حاجه كلميني واتس يبقي حضرتك بتكسلي تسألي دي مشكلتك📱

٩/ بكتبلك كل ما تم في الجلسه في الكراسه وبشرحلك بالتفصيل كل اللي حصل في الجلسه لو انتي مش فاهمه ومكسله تسألي دي. بردوا مشكلتك 📒

١٠/لازم الطفل تجيبله معزز كل جلسه حاجه بسيطه جدا عشان يشتغل بشكل فعال في الجلسه🍿

١١/ الطفل يكون نايم كويس وعامل حمام وواخد دوش ويكون فايق كدا🤗

١٢/ التخاطب مُقدم علي القراءه والكتابه يعني ابنك بيروح حصانه وبيروح تخاطب طب اليوم خلص ومزاكرناش وعندنا بكرا تخاطب و حضانه نزاكر انهو؟؟ نزاكر تخااااااااااااااااااااااااطب✌️✌️✌️

١٣/ بلاش نستخسر نشتري الكروت والادوات عشان التحسن يكون اسرع😎

١٤/ لما اوفر عليكي واقولك بلاش تشتري اللعبه واعملي النشاط بادوات من البيت وبردوا تكسلي تعمليه طب اعمل ايه😂 اجي انا اعمل النشاط ل ابنك في البيت