ليه إحنا عندنا مشاكل من طفولتنا، وعارفينها كويس، لكن منعالجهاش؟ وبعدين نجيب أطفال يكون عندهم نفس المشاكل، و يمكن أكتر كمان! 🤔

السبب إننا محاولناش نحل مشاكلنا النفسية، أو حتى نتقبلها. 😔

كتير بنشوف ناس على السوشيال ميديا بتقول "أنا مش ناوي أخلف"، والدنيا بتقوم عليهم! بيقولوا "ليه؟ إزاي؟ مين مبيحبش الأطفال؟ ده رزق!" الكلام ده كله. لكن الناس دي مش مختلفة عننا، بس ليهم وجهة نظر، وكل واحد حر في قراره يخلف أو لأ. ✅

بلاش نلوم حد مش عايز يجيب أطفال وإحنا مش عارفين نتعامل مع أطفالنا. بلاش نضيع وقتنا في مشاكل غيرنا ونسيب مشاكلنا زي ما هي، مش هتتحل لوحدها! 🤨

ركزوا في حياتكم، وفي حياة عيالكم. اقرأوا، افهموا طبيعة كل مرحلة بيمر بيها طفلكم. التربية مش سهلة، بس أجمل إنجاز إنك تطلع طفل سليم نفسياً، متقبل نفسه واللي حواليه. 😊

ونركز قوي في قرار الخلفة: هل إحنا مستعدين دلوقتي نجيب أطفال؟ ده قرار مش سهل. جيب طفل يبقى فيه اهتمام ورعاية ووقت، واحتياجات نفسية ومادية. 👶

الأبوة والأمومة مش أي حد يحصل عليها، ده أغلى لقب في الدنيا. ❤️