انهارده هنتكلم عن مشكلة 🌟🎀التبول اللاإرادي🎀 وهى مشكلة مهمة جدآ كتير بيعانى منها 🤍

التبول اللاارادي نوعين ✌

1⃣الاول:الأولى 👈👈
يعني الطفل من يوم ما اتولد عمره ما سريره نشف من
البي بي 😩

2⃣التاني:الثانوي 👈👈
يعني طفل كان كويس وقدر يتحكم في البول لمده ٦ شهور متواصله وبعد كده 😢عملها علي روحه

-امتي نقول الواد عنده تبول لاإرادي؟؟ 🤔🤔
لما يوصل سن خمس سنين ولسه بيعمل بي بي علي روحه وهو نايم 😞

- الاسباب 👌

☝النوع الأولى 👈👈

*الضغوط النفسيه :مشاكل في البيت او في المدرسة او الغيره من وجود شخص اصغر اوالقلق او التوتر بصفه عامه 🙄🙄

*العوامل الجينيه 🤔🤔
يعني لو الاب اوالام محصلش معاهم تبول لا ارادي وهم صغيرين بتقل نسبة حدوثه لأولادهم ل ١٥٪ ولو حصل بتزيد ل ٤٠٪ 👌👌

*شرب مشروبات تحتوي علي ميثيل زانسين 👈👈
زي الشاي والقهوه والمشروبات الغازيه والشيكولا ودا بيحفز ادرار البول🍺☕☕

*صغر حجم المثانه للطفل وكل لما يكبر بتكبر وبيزيد قدرتها علي تحمل كمية كبيره من البول 👌👌

✌النوع الثانوي👈👈

ده بيكون فيه امراض بتكون سبب للتبول اللاارادي زي 👈

*مرض السكري
*الامساك الشديد والمزمن
*التهابات المسالك البوليه
*مشكلة في تكوين العمود الفقري
*لحمية متضخمه عاملة اختناق اثناء النوم
*المثانه العصبيه ودا مع بعض الاطفال اللي بتعاني من التأخر العام في الادراك زي اطفال متلازمة داون و اطفال ال CP (شلل دماغي) 👌👌

- الفحوصات 👈👈

لازم نعرف الاول مين اللي بيحتاجها 🤔🤔

-النوع الاوّلي اللي بيعدي خمس سنين وبعدين خد علاج ومفيش أي استجابة 👌👌

-النوع الثانوي بصفه عامه 👍👍

* ايه بقا الفحوصات؟؟ 👈👈

-تحليل بول ومزرعة بول
-تحليل سكر ووظائف كُلى
-سونار علي البطن والحوض
-اشعه عاديه علي الفقرات القطنيه والعجُزية
-ديناميكية التبول
-فحص وقياس الضغط الشرجي

- العلاج 👈👈

1⃣-علاج سلوكي ومبدأي 👈👈

ودا ينفع للنوعين بصفة عامة وبالاخص للطفل اللي لسه موصلش ٥سنين

💧-البعد عن المشاكل الاجتماعيه ومساعدة الطفل في حلها ..لو بيغير نعرفه انه الافضل ...لو بنضرب بلااااش..لو منفصلين ارجعوا لبعض وخلصونا🔫

💧-نقلل السوايل عموما بالليل ونمنعها خالص ٣ ساعات قبل النوم...ومنع كل ما يحفز ادرار البول من شاي وقهوه وكولا وشيكولا

💧-تعويد الطفل علي تأخير التبول لمدة ٥ دقايق اثناء النهار ..بيزود السعه الوظيفيه للمثانه (تدريب المثانة)

💧-بلاش موضوع ياكل وينام...ممنوع الاكل قبل النوم بساعتين

💧-يدخل الحمام قبل النوم ونحاول ندخله كل ساعتين طول ما احنا صاحيين ونمشيه شويه في البيت قبل مايوصل للحمام (المشي بيحفز عنق المثانه علي التماسك).. ولو الطفل واعي نظبط منبّه 📢مزعج جنبه يصحيه ونتكلم معاه ونفهمه موضوع ان يتمشي شويه ... ويفضل ان الطفل يصحي لوحده لان بعض الاطفال بيتعصبوا لما نصحيهم غصب عنهم وممكن تقلب بنتيجه عكسيه. 👍

Walking the child to urinate 👣تمشية الطفل للتبول

Alarm clocks 📢📢 المنبهات الوقتيه

Bladder training تدريب المثانه

دا من احدث البروتوكلات كعلاج سلوكي للتبول اللا إرادي ☝

2⃣-العلاج التحفيزي 👈👈

ودا من خلال جدول بيسموه (جدول النجوم) 🌟 🌟

بنعمل جدول يومي يقوم فيه الطفل بوضع علامة (صح) ☑
في ايام الجفاف وبنحاول نقدمله مكافأت وهدايا ونشجعه وبلاااااش موضوع التوبيخ والزعيق والضرب والسخريه منه..نتايجه كلها عكسيه علي الطفل والله ..الموضوع وقت وهيتحسن 😔
والعلاج التحفيزي ينفع مع الاطفال اللي تقدر تستوعب اياً كان سنها بالتعاون مع الاب والام ☝

3⃣-العلاج الدوائي 👈👈

وده بيكون تحت اشراف طبى

- بيكون للاطفال اللي فوق ال ٥ سنين وبالفعل بدأنا معاهم علاج سلوكي وتحفيزي ومفيش نتيجة وعملنا فحوصات تثبت عدم وجود سبب ثانوي للتبول اللا إرادي

- بنبدأ بيه لفتره علاجيه من ٣-٦شهور ومع التحسن بنوقفه تدريجي وبيشتغل علي تقليل عملية التبول.