"أول دورة شهرية لطفلتك الداون.. صدمة ولا بداية فهم؟"
✍️ بقلمي: أ. أمنية – أخصائية التخاطب والتربية الخاصة

لما بنتي الداون تدخل سن البلوغ وتبدأ الدورة الشهرية، ممكن الموقف يكون صدمة.. ليها وليّ كأم.
لكن لو استنيت اللحظة دي من غير تمهيد، هتبقى التجربة مؤلمة ومربكة.
وعشان كده، لازم نبدأ من بدري بخطة تدريب تدريجي، تساعدها تستوعب التغيرات وتتعامل معاها بثبات وأمان.

💡 إزاي نبدأ؟

1. ابدئي من سن 9 سنين (حسب استيعاب الطفلة):

استخدمي القصص المصورة والعرائس لشرح الفرق بين جسد البنت والولد.

علميها أسماء أعضاء جسمها بطريقة بسيطة ومحترمة.



2. خليكي صريحة وبسيطة:

لما تحسي إن فيه بوادر بلوغ (ظهور الثدي مثلًا)، اشرحي إن ده طبيعي وجزء من إنها بتكبر.



3. التدريب العملي مهم:

علميها إزاي تستخدم الفوطة الصحية بخطوات واضحة.

خدي وقتك في التدريب، ومع التكرار هتفهم وتطبق.



4. الحماية أهم من أي حاجة:

دربيها على الخصوصية والاستئذان، وإن جسمها مش مسموح لأي حد يلمسه.

علميها تقول "لأ" بصوت واضح لو حد ضايقها.



5. لما تيجي أول دورة فعليًا:

طمنيها، احضنيها، وقولي لها إنك فخورة بيها.

ادعميها بكلمات تشجيع وخلّي عندها فوط خاصة في شنطتها.




🎯 الهدف مش نمنع البلوغ..
الهدف نخلّيها تواجهه وهي مستعدة، وتعدّي من المرحلة دي بأقل قلق وأكبر دعم.

كل بنت مختلفة، لكن كل بنت تستحق تفهم جسمها وتحبه وتحميه 💕
وعيها هو أمانها.. واحتوائك هو سندها.

#داون_سندروم
#البلوغ_لأطفال_الداون
#تدريب_تدريجي
#بقلمي_أمنية
#أصل_الحكاية_نُطق_ووعي