علاج الخنف عند الأطفال: أسبابه، أعراضه، وطرق علاجه

📢تركيزززز هنا خمسة👀
🔵هنتكلم شوية عن (الخنف) هنقول يعني ايه خنف؟ وكمان ايه الحاجات اللي ممكن تسبب خنف لأطفالنا؟ وازاي اعرف ان الطفل اللي قدامي عنده خنف؟ 👀
ومش بس كدا كمان هنعرف ازاي نعالج الخنف ونحل المشكلة دي؟ 😍🙊

🔔اول حاجة قبل ما نعرف الخنف لازم نعرف حاجة مهمة وهي ان فيه عندنا جهاز اسمه الرنين الانفي وكمان عندنا الرنين الفمي..!
ايه الفرق بقى🤔
⭐️الرنين الانفي: دا بيشترك مع الرنين الفمى في خروج اصوات الميم والنون بس
⭐️الرنين الفمى دا بقى بيطلع منه باقي اصوات الحروف
🔵الخنف بقى: دا اضطراب من اضطرابات النطق والكلام بيحصل لما تحصل مشكلة في الرنين الانفي فتروح الاصوات بدل ما بتطلع من التجويف الفموي تطلع من التجويف الانفي (تبقى اصوات انفية بدلا من فموية)
ازاي دا طيب🤔
⭐️اثناء خروج الاصوات فيه عضو اسمه اللهاء بيعمل ايه اللهاء دا بقى (بيسد االتجويف الانفي عشان الاصوات والهواء اللي مصاحب ليها يخرجوا من مسارهم الصحيح وهو التجويف الفموي) في حالة وجود مشكلة في اللهاء او الرنين الانفي بيتغير مسار خروج الاصوات والهواء ويخرجو من الانف. بسكدا🤷‍♀️

🔵طيب ايه انواع الخنف دا🤔
⭐️الخنف دا يا اما (خنف مغلق) ودا بيكون الصوت فيه مكتوم وخاصة في حرفي الميم والنون يعني الشخص مبيكونش قادر يطلع صوت الحرف كويس
⭐️يااما (خنف مفتوح) يعني الشخص بيطلع الحرف بخمخمة واضحة اثناء النطق والصوت بيكون طالع من الانف
⭐️يااما (خنف مزدوج/مختلط) ودا بيكون النوعين اللي فوق مع بعض.

🔵ايه الاسباب اللي ممكن تعمل خنف؟!
✅اولا: اسباب عضوية: ودي نوعين 👀
⭐️اسباب وراثية: يعني الشخص بيتولد بيها وهي:
1-شق سقف الحلق.
2-قصر في سقف الحلق.
3-شلل في سقف الحلق
4-الشفة الارنبية
⭐️اسباب مكتسبة: ودي بتكون اي اورام او حوادث او اصابات بتحصل للشخص في جهاز الرنين الانفي او الفموي.

واللحمية ودي ممكن تكون وراثية الشخص والد بيها او مكتسبة تحصله بعد الولادة
✅ثانيا: اسباب وظيفية:
هنا بقى الشخص مبيكونش عنده اي سبب عضوي يعني الاعضاء سليمة وكل حاجه بس مش بتقدر تقوم بوظيفتها بالشكل المناسب. بيكون في:
1-حالات الاعاقات العقلية.
2-حالات ضعف السمع.

🔵طيب ايه الاعراض اللي لو ظهرت علي طفل او شخص اقول انه عنده خنف🤔👀
⭐️اول حاجة بينطق الاصوات مكتومة او فيها خمخمة واضحة زي ما قولنا.
⭐️شخير ملحوظ اثناء النوم وكمان لما بينطق الكلام بيبقى مصحوب النطق بشخير بسيط كدا.
⭐️زيادة حركات اعضاء الوجه(تلاقيه بيرمش كتير او بيحرك انفه كتير او بيحرك الفكين كتير)
⭐️اخر حاجة الخنف قد يسبب مشاكل في اللغه مثل تأخر اكتساب اللغه عند الاطفال لان الطفل مش بيرضى يختلط بالناس بسبب مشكلته ودا بيعمله مشكلة في اللغه التعبيرية.
📢مهمممم
اهمال مشكلة الخنف ممكن يؤدي الي مشاكل اكبر وامراض مزمنه مثل التهابات في الاذن الوسطى ومشاكل في السمع عشان كدا لازم التدخل المبكر لحل المشكلة وعلاجها. 💙✌

📢هنعااالج الخنف ازاي 🤔
🔵اول حاجة في الخنف عشان نعالجه هنعرف سبب المشكلة ايه؟
لو عضوية 👀دا هيحتاج تدخل طبي الاول ثم نشتغل علي التدريبات والعلاج السلوكي.
لو المشكلة وظيفية هنا هنشتغل علي العلاج السلوكي علي طول.
✅ احنا كأخصائيين تخاطب بيكون شغلنا علي التدريبات السلوكية اللي هنعملها وخروج الاصوات اللي فيها مشكلة 🌚
📌التدريبات اللي هنعملها في علاج الخنف بنشتغل علي تدريبات النفس وتدريب اعضاء النطق.
✅اولا: تدريبات النفس.
⭐️(نجيب شمعه او بلونه او صفارة او قصاصات ورق او لعبة فقاقيع الصابون او اي حاجة ممكنة للنفخ وأمنة واخلي الطفل ينفخ واكرر التدريب)
⭐️(اخلي الطفل ياخد نفس من فمه ويطلعه من فمه واسد انفه اثناء خروج النفس عشان يطلع من الفم مش الانف نسد الانف بأيدينا او فيه سدادات مبطنة او سليكون زي المشبك كدا ممكن نسنخدمها)
⭐️نخلي الطفل يعمل تمارين التثاؤب
⭐️نجيب عصير للطفل او مية وشاليموه واخلي يشفط بيها.
✅تدريبات اعضاء النطق.
⭐️نعمل تدليكات لسقف الحنك بأي معزز بيحبه الطفل (مهم ناخد بالنا في التدليك دا بذات لو الطفل مشكلته عضوية وعامل جراحة في سقف الحنك منضغطش جامد اثناء التدليك)
⭐️نعمل تدريبات للسان (نخلي يحرك لسانه يمين ويسار وبشكل دائري داخل الفم وخارجه او تمارين الزغرته)
⭐️نعمل تدليكات للفكين والشفتين.
(تديبات المضغ نجيب اطعمه صلبة خيار او جزر او تفاح اي اكل صلب واخلي الطفل يمضغ كويس)
✅الهدف من التدريبات دي كلها اول حاجة اننا نعدل مسار الهواء الصحيح بدل ما الهواء المصاحب للاصوات بيطلع من الانف احنا نرجعه لمساره الصحيح وهو انه يطلع من الفم.
تاني حاجة بحفز اعضاء النطق انها تشتغل كويس وتطلع الحروف صحيحة.
🔵بعد ما نخلص التدريبات بنشتغل علي جزئية اننا ندرب الطفل علي خروج الاصوات.
-اول حاجة بنشتغل اننا نطلع الصوت الخام (با-تا-دا) وهكذا
-بعدين بنشتغل علي تخريج المقاطع(با، بي، بو) وهكذا
-بعدين بدرب كلمات وبعدها جمل.
✅ومندخلش علي مرحلة غير لما يكون الطفل اتقن المرحلة اللي قبلها كويس.

بكدا يكون خلص الخنف يارب تكونوا استفدتوا☺️💙✌